星期6晚打波，係上城最後一次全程帶。

再次唔夠氣，打得好唔集中，又「力有不遞」。

中段撐著，由唔夠氣變返精神同集中，我諗算係一個突破，

但係再打多陣，又再次頹返。

Sor a, 好爛，上城講得無錯，我冇咩籃球智慧。

喺場上面，好多時候都唔知做緊咩，不斷犯錯。

雖然次次同自己講要做好佢，但係緊張、冇氣、唔集中、冇智識

都毫無疑問地令到自己十分屎波。

說到「同心」，諗返最初入P&C打，其實都係因為狗良、澎佢地鼓勵下，

抱住「志在參與」的心態參加，無諗過，亦都無能力去贏。

但係，可能正正就係因為我一個唔同心，搞到好多人失分、搞到成team水準拉低，

對唔住，覺得自己喺籃球場上真係幾無用。

有時就算盡左力都好，都係達唔到標。

終於明白，最令人傷心既失敗，就係「盡左力都依然做唔到」既失敗。

但係我諗心態上係時候要變，想再放盡啲，我相信我仲可以有成長。

呢支係一支屬神既球隊，神一直有保守，弟兄之間有守望。

呢兩年裡面，其實一早都諗住去fitness做gym、練體能，

信唔到大家都想咁做，真係好喇，搵伴應該唔難！

星期日返早堂，勁攰，都冇打盹，感恩。

要有豐盛人生、嚮出聖靈果子，需恆常靈修，多順服神的話。

之後練歌，then就人生第一次做兒童崇拜既實習，

其實乞次都係齋睇，d小朋友都幾可愛的，

同阿金細妹好好傾。

背埋3福，就返家食飯先，

2點半出隊，街頭佈道，

感恩啦，對象們都很健談，雖然都遇到不少障礙，

但總算有新經歷，多左傳福音既新體會。

聽日開學喇，A new start!