今日成日都好忙.... 

成日好想有一刻可以靜靜地坐係自己位，周圍咩人都冇，

然後望出窗外，睇下藍天白雲....

不過估唔到，上返去做壁報既時候，因為大家都出晒去買野

我就可以有一個咁既機會

放學，經過大埔超級城M記，見到門口有好多枝用金色星形同白色氣球整成既柱，

天花亦都有金色同白色氣球整成既氣球束，佈置得好靚、好有情調。

係臨別前，仍然可以俾我感受到呢間M記帶過俾我既快樂回憶~

本來係行過冇理佢，點知最後都係走返轉頭，

入去用$2.5買左軟雪糕食。嗯，$2.5，冇加到價。

坐唔返原位，個位俾個阿叔霸左，於是就坐左係原位對面，

自己一個慢慢咁食左個軟雪糕。

回憶通常係指向一啲甚少發生既事，而呢啲事係令自己特別開心或傷心。

估唔到，今時今日，同一個回憶可以帶俾自己唔同既感覺。

M記要拆，挽留不住，但回憶卻常存。