不知不覺，和盈盈一齊已一年零兩個月，彼此關係是良好的，只不知該又是我的問題，女友不斷懷疑自己感情是否轉淡，或者人的感情還是脆弱的，我沒辦法控制得到，況且現在工作每天都是新挑戰，感覺都累的．．．沒辦法，自我檢討？但又再想起Patrick的說話....

今日個人頹頹地。。。睇到佢的ＢＬＯＧ，知道我又俾人篤背脊，無他，人地條件好咁多，講野的確有說服力好多。。。而且仲要係佢好朋友，仲有咩好講？或者我地的短暫情緣，真係擺脫唔到，但問題明明係我度，只係一直天真以為問題會解決到，但原來唔同價值觀會令兩人距離愈黎愈遠，或者真係。。。就算幾努力都好，原來好多野冥冥中已經注定左，原來我咁做同向天吐口水的細路差唔多，最後口水都係跌番落自己塊面到。講真我已經唔知佢想點，我都知冷靜只係藉口，分手先為實，呢一刻我冇野想再講。。。。我呢一刻的難受，我知道係自己做成，或者。。。冇本事真係唔應該拍拖。

活到這一個年頭，才發現自己如此不濟。現在再努力恐怕都如事無補，這感覺不但愈來愈強烈，甚至快要爆發的地步。這關係繼續下去，會否又累人累己？

聖經曾說過，現今世代的人不配看見奇蹟。我只好說句我努力得不夠，而這勢頭恐怕只會愈來愈差，就算再如何努力，結果亦只有一個吧？

沒能力二人三足，倒不如一個人走路，會否更沒有顧慮？比起分手所帶來的傷心失望，更多的難過是因為自己的無能為力。