近派睇果套叫向世界出發，介紹汶萊，真係超好睇。
果個汶萊皇帝佢係全世界最有錢既皇帝，係因為海底裏面既石油，令一個只靠捕魚同種植為生既國家變成全世界最有錢既小國。呢點石油係１９２８年比人發現，之後到１９９１年石油已達十億桶。
因為有錢，所以皇帝所住既皇宮都係全世界最好同最名貴，連個廁所個水龍頭都係用純金做既，個浴缸係用名貴既雲石做ｇａ！而擺設都係全世界最名貴，一個起碼要幾百萬，佢地住既屋當然唔駛講。（皇宮就真係好大）
皇帝有自己既獨立馬場，匹匹馬都要幾十萬，大約有２００匹到。獨立戲院同演講廳，醒日請好多名人黎ｇａ！獨立高爾夫球場，好大。重有好多好多．．．
住係汶萊，無論醫療，讀書都唔駛錢，就好似做手術唔駛鏘，如果做唔成，比埋機票你同醫藥費你去其他國家做。讀書唔駛錢，大個左讀大學都唔駛，如果要去其他國家讀，就比埋機票同埋學費你去讀，重個個月比５千蚊零用錢你駛，真係生活無憂。
係向世界出發最後一集，志偉同皇帝握手，原來佢點太子，公主都有睇香港電影，所以都認得志偉∼∼／＼／＼
|