今早7:00趕去香港睇e生,e生都係話我個腦冇事,開左d藥俾我我就走得la,同老都鬆左一口氣,跟住我地去花園街,買左兩件衫俾兩個妹,行左一陣就去行永安,貫左兩條肥婆褲俾自己,就返黎澳門.

今日下午去左山頂e院照腦,照完e生話冇事不過唔俾我走,仲叫我留院,嚇到我以為大件事,我話唔留,佢話唔得,仲叫我吊針,驗血,天呀!咩事呀!我話唔吊唔驗,佢話一定要,死就死啦!我一入到病房裡面全部都係d亞婆,好驚呀!個護士走埋離叫我驗血,真係冇辦法,我瞓係張床上面仕由佢處置,死啦,枝針拮左入去佢搏命撩,撩左成5分鐘,佢話俾我聽抽唔到,叫我吊針先,我咩都冇得反抗,再插第二條血管,又唔知撩左幾耐,天呀!佢又話抽唔到,我用隻手遮住隻眼,真係冇眼睇,第二個護士埋離,佢話吊針個針口腫左唔吊得,將個針頭抽返出黎,救命呀!我郁都唔敢郁!再抽第三個針口,終於成功,我瞓係到成個人硬晒,好驚,~~~後黎腦科e生檢查過話開藥俾我食我就可以走得,大約八點我老公出現la,我病左三日佢都唔知,見到我咁佢都好驚!e生話我走得我就雞咁腳即走.真係可怕ge一天!