今日約咗欣欣同穎斯

好耐無見穎斯

最後一次都係宜家

第一站又係貼紙相,,,

遲d先post相

穎斯帶咗佢BF黎

O哂....

始於覺得係網上識返黎,唔係咁可靠

好易比人呃!

玩完兩部機之後

諗住去第二度

係東京新幹線度買咗棒棒糖

$15一支

講真,唔好味!

食咗一半已經要扔

浪費金錢!!!!!

跟住佢BF話去玩具反斗城

入到去好似覺得有D唔岩自己

睇返D玩具已經無以前果種興奮的感覺

之後我同欣欣自己去咗第二度

得返佢地

比佢地二人世界LA

有個男仔係後面,好唔自在

同欣欣係西田周圍行

穎斯來電,CUT咗線加關機

都係個句,唔想做電燈膽^^

去咗M記

希爾頓M記的可樂好凍

飲到我結冰

去咗商務買FILE

再去好運行下就返屋企

今日都玩得幾開心

欣欣整咗負離子個樣好靚女!XD

返到屋企,

小婷同RHODA都打過黎

傾下年參加咩學會

最終決定係方濟園圃

一言為定,唔准反口!

唉!依幾排大廈外牆維修

嘈到拆天

救命!!!

耳膜就黎震破了

頂唔順,下午落咗去突破睇書

愈睇愈眼訓

但係5:30P.M D工人先收工

玩咗成日,又無得返去訓教.....

被迫要係街上流漣

點解咁慘架!?