今日姨媽佢地黎

所以出去食

去咗雪國拉麵

薯餅-舅母極力推介,雖然好脆,但我唔係咁鍾意佢入面的薯蓉

壽司-ok啦

吉列豬扒拉麵-豬骨湯,拉麵都ok,但d豬扒唔夠吉列

早知叫叉燒拉麵,好似幾好食....

總結: 味千好味d

當中我有件糗事

話說個侍應拎咗d奶茶黎

我當然急不及待咁飲

飲完之後

「d奶茶咁苦的....」

舅母:「梗係啦!佢都未比糖你」

當時我feel到好多人暗笑緊我....

之後先知,原來係要自己落糖同奶....

糗死!

食完之後,同我妹&表妹去突破睇書

睇咗新出的《好想打排球》

都幾好睇

不過果到d冷氣好凍"

睇緊書果時,有個bb好得意

走過黎同我地講bb話

佢姑姐話佢係歲半

但係佢已經好大隻

唔知仲以為係2-3歲

到佢姑姐叫佢走的時候,佢係咁講bye bye

但係又唔走

係咁bye,係咁bye

好搞笑!

結果佢姑姐要抱佢走

根據我表妹的數據提供

個bb足足講咗15次bye bye....

好鬼得意呀!!!

睇完書之後,行咗一陣

姨媽佢買咗件衫比我

唔知點解,「多謝」依兩個字咁難講出口....

人地送野比你,點都要講句「多謝」

依個係最基本的禮貌

點解會咁難開口!?

但對住朋輩我又好自然咁講出

係咩問題呢?

要面子?驚人地話你扮野?

唔知....