今日返咗小學

9:00a.m.伊麵打黎

約咗9:00火車站等

我9:00先起身

我真係超無時間觀念

伊麵姐,對唔住呀!要你等咁耐....

sorry!

跟住搭火車去第一城接欣欣

再去和毅食早餐

hea咗一陣

就搭馬鐵去大水坑站

會合低b仔佢地

見到駱駝,把聲變哂....

個樣都變咗少少

 泥猛就無咩分別

高咗少少

等埋佢地食完野之後

就去商場天台

佢地係到打排球

我就係到影相

熱到死!

玩咗一陣就返小學

等埋玲玲佢地

今日足足有11個人番去

有我,欣欣,伊麵,玲玲,低b仔,駱駝, 泥猛,彥,周民,朱腸,肥博

入咗主任室同miss kwong,黃主任傾計

之後d主任要開會

我地要出陰雨操場玩

佢地又係係到打波

而我地就係到聽歌

見到佢

對佢已經無咩感覺

一早已經放低咗佢

 去咗搵李sir

原來李sir提早退休

下年返去探唔到佢lu

係到有d感慨

記得以前的時候

我地唔係咁鍾意佢

成日都叫佢快d退休

但係依家佢要退休

唔知點解又有d唔捨得

係個一刻

我覺得佢的笑容好慈祥,好和藹

其實諗深一層

佢都唔係我地講到咁衰

真係唔知點解果陣時會咁憎佢

但係宜家已經唔再憎佢lu

大慨係時間會忘掉一切啦

畢竟佢都係我地P.5,P.6的班主任

對佢都應該留低D好印象的

我地原本話想同佢飲杯野

但係佢話佢約咗太太

咁就算啦

廢事阻住人地SWEET SWEET

跟住我地又落主任室

同黃主任&MISS KWONG佢地傾計

傾到佢地要放工

之後班男仔話要打波

我地都唔打LU,所以走先

去到新城市,行咗一陣

就返屋企LU

唔知點解今日勁支力

返到去即刻訓覺"

p.s.伊麵,

        唔好咁唔開心啦!

        依d可能係人生的一d磨練

         係考驗黎嫁....

          喊完之後就要重新振作

          我知無野可以難到你的

           6B大家姐!係咪!?

           忘記佢啦!

            重新過一d無佢的日子!

            好多人都會係你身邊支持你的....

            要堅強d!

            加油!!!!!!