今日朝早返到學校講探訪獨居老人的野

跟住我就同呀DICK,呀倫佢地上頌德樓

行過去途中

呀倫話我偷咗佢張紙

但其實係呀DICK度

搞到我勁糗

成村人望住我

未搞清楚,就唔好話人啦!

上到去第一個婆婆度

呀DICK佢勁積極

不斷同呀婆講野

問下佢平時會做下咩咁

傾傾下好快就15分鐘

突然有個社工走入黎話同我地影相留念

個呀婆不斷係到話

「下!要影相呀....真係唔好意思啦!曬哂你地D錢」

婆婆的年代,影相係咪要比錢?

第二個婆婆就好好精神

聽佢講佢平時都會落去做義工

打電話提人開月會

佢又話有D人好無禮貌

「我都記得啦!洗你提....」

呀倫話

「咁你以後唔好打俾佢囉」

跟住個呀婆講個句,我係十分欣賞的

「梗係唔得啦!我應承得人地要做義工,就一定要負責任。盡本份咁做好佢」

而我透過同佢傾談的15分鐘,我都覺得佢係好鍾意做義工的個D人

佢亦都有講到棟大廈同社區有咩要改善

同佢傾計,我係完全唔覺得我同緊個呀婆傾計

因為佢係果D知好多野

好關心社區的人

又好精神

完全唔似呀婆的形象

我宜家先知道原來呀婆都可以做好多野

到第三個婆婆

我地去到的時候,佢正想出門去睇醫生

但係佢見我地黎到,話傾咗計先

呀倫佢勁驚咁話

「佢有病嫁!佢有病嫁!」

你就有病!

洗唔洗咁驚呀!

呀婆叫我地坐,佢地又唔禁坐

次次都係我第一個坐－　－”

我地問到個呀婆做邊行

佢話佢以前因為學歷唔多

所以係油麻地果欄做搬搬抬抬

依個呀婆同佢傾得好快

因為我地想快D比佢去睇醫生

呀倫佢又勁衰咁話個呀婆有H5N1

叫我地快D走- -

一D同情心都無

由於我地早咗傾完

所以我地係最早落去集合

係度呆等

等齊人後就返學校做反省+放學

今日好多電視都係講71回歸

加上又係十週年所以氣氛好濃烈

而宜家D人亦唱好香港

無以前D反對聲音咁勁

希望香港真係可以更進一步

更加繁榮啦!!!