一別又三年啦！哩度都已經封左一層萬年塵啦∼
上一篇講嘅係考DSE 仲係學生時代 仲未需要煩其他野
但今日 已經出左黎社會做野一年
依家仲過左黎澳洲working holiday
諗住過黎係逃避現實 搵返自己
但係事情永遠唔會跟著自己咁諗去發展
當初諗住自己一個黎 諗緊樣樣事都要靠自己
但係又想有人陪 有人分享分擔
諗起一位asso同學仔有興趣 原本唔黎 但最後都一齊黎左
雖然大家唔係好熟 之前都係普通交流 諗住黎到再夾囉
未黎之前都諗過兩個人黎一定會有意見爭吵 最壞打算可能各走各路
但係哩幾日發生嘅野 或者係黎到之後累積起黎
可能當初自己一個黎會更適合
只怪自己當初想有人陪 有人分享分擔一切
但係依家反而令我自己更迷惑更辛苦
我黎唔係為了搵返自己？ 為了放鬆自己咩？
依家嘅我 好似又番返去果時情緒低落 抑鬱嘅我咁
我都唔知可以搵邊個講 講左俾人聽又好似係背後講人壞話
或者得返黎嘅回應係叫我讓步 我明白 我係大D 應該我就下人
但係點解次次都係我做錯咁 好多時我只係出於好意
我關心先會出聲 但係最終都係變左我聊起事端咁
或者我真係唔好再咁多管閒事 唔好理人 顧掂自己算啦
我黎返哩度打日記 係想有個地方俾我發洩下 有個地方俾我訴下苦
哩度俾我好有親切感 可以依賴嘅地方 可能哩度真係陪住我成長 記錄左我嘅一切
經過琴晚嘈左 其實我都心淡 更淡
但係一齊黎得 都唔想咁就各散東西
但係我真係生活得好辛苦 好似冇左自我咁
今朝我讓步 但係到下晏一齊去買野又嘈左陣
再加埋派CV果下 我仲可以點？
你話因為琴日冇執袋所以有 但係我地一齊黎
如果係我 我會等埋一齊先去派CV 又或者出黎前問下去唔去搵工
煮飯又係 自己要做曬全部 我只係有時想幫下手姐
咁不如自己一個黎？
我唔知係我自己過份交心 諗住既然一齊黎 幫到就幫
加埋年紀上我大D 呠責任上我係要做照顧者
但係你話過 可能你係屋企做慣大家姐 你唔好用果種方法管住你
可以嘅 我都想做下細 起碼咩事有人幫我撐
你之前話過 如果再搵唔到工就去第二度 就咁分開
唔知點解我有D期待果日來臨 會對我黎講係種解脫 目前黎講係
你話過我唔鐘意我樣樣俾意見 話唔跟我意思做 我就唔開心
變相好似迫你迎合我咁
我都想知你諗咩 有時候都唔知你點諗 想點
好似我偏食 好多野唔食 所以你買果陣 如果買中我唔食果樣野 你就唯有自己買
但係今日買雞肉 果陣問你買唔買 你話好 可以整雞柳 到夜晚計返單 你又話咩有買咩 跟著咪問你唔要 咪計我囉
但之前我買雞翼尖 我問你買唔買 你話唔買 到我買左返黎 你又話下 唔係share呀食咩
咁樣我都好難做人 好難配合你
同你講 你又會話咁咪share囉 又或者話我都冇話唔食！！！！！
我好辛苦 依家嘅我完全提唔起心情
我唔知邊一刻講左句野 你唔啱聽 又爆火
我唔想黎度係俾人鬧 要睇人面色做人
你會話有咩不滿可以講出黎 我當初黎果陣都係咁同你講
但係有邊次我只要認真講出黎果陣 你聽左係平心靜氣同我討論返
印象中好似冇 好似我只係話唔鐘意你成日問住我食唔食哩樣 食唔食果樣 話我聽落好礙耳
你就已經扯火 大聲話我實係好多野唔食 唔問點知我食唔食 唔問點了解我
我話認真想做朋友 會細人留意對方 你就話咁短時間內 點了解清楚
我真係好心灰意冷 所以我唔會再同你講我嘅不滿
因為一講只會嘈 大家永遠唔會有共識
我只係想好好表達自己意見 依家都變左有問題咁
我諗再咁落去 我黎哩度都冇意思
生 ＿ 活