今日早上無端端知道有個老師暈左...
原本以為好小事...但聽到班主任話個位老師已經送緊去醫院...
其實個下都幾O咀
之後上堂既時候講真其實我冇將呢件事放係心,,,冇太在意...

去到Lunch完左
落去上CL
Ms Chan黎左叫我地上番課室
上到課室都未知咩事...
等到Ms Lai上到黎
同我地講番....
原來早上被送去醫院既老師...已經過左身了...
Ms Lai讀左一份校長比我地既一篇野...
讀讀下把聲開始變..變得模糊了....Ms Lai喊左出黎...
唔知點解見到Ms喊個下...我都有啲想喊...不過最終都冇喊到....

雖則呢位老師對我黎講都算幾陌生
但我印象中知道呢位老師曾經為我地班代過課...
而且聽到Ms Lai講,,話呢位老師係我地學校教左3年
佢係一位好好既老師
佢同高年級既同學感情係好好既....
我突然之間個心有啲難受...自己都唔知點解....

有一part,要我地寫心意卡同情緒卡
寫完之後要默哀........1分鐘之後默哀完
就聽Ms講一啲有關佢過往朋友啲事....

之後我一直諗:
人一定要經過生離死別,,
雖則話死別係最難受的
但我地都要去接受
人生係短暫既,,人生在世,,有好多野你係預測唔到
呢一刻可能你仲擁有緊一樣野,,到下一刻可能已經失去左...
我地一定要去珍惜同去享受當下既每一刻....