昨晚我玩緊電腦中, 我突然回頭望下個clock, 都9:05pm, 我明天轉了更, 返大夜, 因此我出了去接他收工, 想他開心下囉!!我上了mtr 後我打電話給他, 告訴他知我接他收工,找他食下supper;我之前放工買了小丸子和燒賣食, 所以我回到家都只是食了兩件雞肉---(金針雲耳炆雞),不過他不相我冇食dinner,都是算了罷....

講番轉頭, 我接他收工時, 那麼巧合地他又會同kitchen老二一起收工, 讓他啲kitchen 同事見到我, 我明天真是有麻煩了...怎麼辦??我真是見不到他們一起同行, 雖然我們冇做什麼親密的舉動, 不過都是好難去explain....

我們路過"華康"茶餐廳, 我之前行過見"華康"都裝俢了一段日子, 我都未食過所以叫他一起去食supper, 他order了菠蘿牛肉飯, 我order了廈門炒米, 同2個iced milk tea, 啲凍奶茶冇咩茶味, 個米粉黏起一埋, 又冇酸菜去炒, 啲料好少就收你$34, 真是不值!!他的飯都是好差, 冇咩pineapple 同出了水, 都是晤掂....今餐真是麻麻地,都是我做錯決定,累他冇啖好食, 他又請了我食supper, 真是有啲不好意思, 有他陪我其實我已經好滿足...

之後都冇咩地方想去, 我就去了維園, 取個手機聽下歌, 吹下風, 有他同我頂下嘴, 他又陪了去街又送我回家樓下, 真是好感激他, 遲啲他走了, 會再陪我食飯嗎?真是冇人知, 都是個句, "有緣千里能相會, 冇緣對面不相逢"都是順其自然....

今天返早起床, 都是返7:00AM, 又不知道公司飯堂食咩早餐!如果是hot dog 或是什麼油麵的話,我真是好不想食....所以我返酒店時到"美食軒"買了個叉燒餐包+熱奶茶..(可以提下神)都只是$10,新鮮出爐的包包好鬼正,最後今天飯堂的早餐是----肉丁煎旦通粉,我這個"為食鬼"當然都會食啦,不過我不食旦因為太過熟......

我真是都好為食, 好彩近來工作好busy, 都不會令我變得太肥..哈哈...今天又不知道咩事?每次我做food runner 都是好鬼旺場, 都是我辛苦命, booking 得24covers, 來了都有全埸8成客, 最麻煩是食啲散餐多,海南雞飯都有7-8個, 平時好少人order 的素意粉和素炒飯都今天有人order,club s/w& burger...啊......我就來crazy....不過今天我見到他上班, 我個心其實真是好開心...,遲啲他要離開, 我真是好不捨得...lunch 後多了一個set dessert , 而且是美式cheese cake , 我當然忍不住食了半件, 哈哈, 我真是一個好喜歡食的為食鬼....

講番今朝,, 我wake up 當然看一看我手機, 他send 幾個message 給我, 他昨晚真是收工後到了我家樓下m記食野, 他昨晚都有打電話給我告訴我知他到了我家樓下, 不過我份人都幾小氣, 我整晚放個手機一邊, 冇聴又冇睇, so 我好夜才知他曾經來過...他最後一個message ---他同我道歉, 解釋他昨天因為心情不是太好才發我脾氣, 之後他的話我不公開啦....因為我真是好開心見他其實都識為人著想,他真是幾好人,不知道他say  的話是真or 假??所以我都是用番朋友的身份去面對他, so 今天我冇打電話叫他起身, 他都說得對,我做這個朋友太過界, so 我都只是保持距離,他前兩天都駡得我冇錯, 駡醒了我的內心矛盾, 完來我自己都不知我自己是有好多問題我都不知,although 他大我兩個月, 他真是比我更成熟更聰明...

我真是可能太過寂寞, 對感情上衝動了,我發覺我真是好容易給人氹到的人,做事都好易心軟,其實我真是好矛盾, 我的感覺對他是好有好感, 真是有時我都不知用什麼身份去面對他, 今早本來我都有啲嬲嬲地, 見到他返工後, 我想我都不應該太小氣, so 我都同他傾計, 我的最大缺點是做事心軟....都是我個人性格....所以我send 番個message 給他,告訴他我真是晤想改變我的性格去配合他, 大家都會好辛苦, 我份人真是好喜歡玩, 好主動同啲同事talking, 我份人真是好平凡, 真是只想有個安穩的日子和生活, 所以我的衣著和嚐好都不會花巧, therefore, 我真是好怕同他做男女朋友的問題, 因為我同他的個人性格各需不同, 但大家都彼此有好感, 怎麼辦??我們是好朋友or 情侣知己, 那一個身份我們會適合??