今日同呀媽出街買電器~邊行邊傾∼
先知道原來內地公公屋企果邊出左咁多事...
唔怪得呀媽老豆呢排要返多咁多~
更估唔到..我舅父係咁樣.....
依家我地裝修果d 佢都明知我地係借錢搞架~
都係想公公住好ｄ，想佢照顧得公公好ｄ姐∼
而公公既生活費要我地俾我地都預左...依家買既電器都係為佢地買∼
但佢唔係連果幾條光管、幾個水管接頭，就連買果幾支膠水都要我地俾呀麻！？
前日竟然同我媽講光管、水管接頭同果幾支膠水冇出單，但佢話佢已經記低左數啦。
佢咁樣..未免太小器吧？幫輕下佢自己既呀妹係咪唔得呀？
依家要佢照顧公公，同公公住，係就係麻煩佢姐∼
但公公佢都有份架ｗｏ！由我出世前幾年開始到我出香港∼
我地照顧左公公十幾年，一切既洗費都係我媽老豆出架！
就算依家都好，個個星期我老豆呀媽返去都會買野俾公公食架！
佢又出過ｄ咩呀？錢？力？又出過幾多呀？
問自己啦頂！
公公早幾年係錯左，俾人呃左ｄ錢...
依家佢幫公公睇住ｄ錢∼
公公依家儲返ｄ退休金∼但佢依家就連少少生活費都唔俾公公出∼
又唔見你早兩年未知公公出事時，唔俾佢出佢自己果份生活費？
咪以為我細個唔識呀∼係想到分既時候可以分多ｄ姐麻！
一講到幫公公節省到幾多幾多就神威神武咁！
我知有人眼紅公公最愛鍚就係我媽同我爸呀∼
吹呀！ 咁係因為我地係用晒個心去為公公愛護公公架！
公公有眼睇架！ 我都相信公公係用個心去感受架！
－－－－－－－－－－－－－－－－－－
撞正今日某人又唔開心發脾氣...
同佢傾電話又扯火∼
唉∼依家真係成肚火呀！！！
|
