今日聽到親戚講:「唉~你地呢班８０後真係不知所謂,日日係度搞搞震。」

我可以表達的 只有無奈！

我係８０後的，但唔代表我係支持佢地出黎遊行反對的果群人！

香港地雖然細，但我相信唔可能每個８０後都同你地一樣諗法∼

所以，我對於遊行的人用上８０後的名義上街，我無疑係「被代表」了。

我對起唔起高鐵、搞唔搞西九呢Ｄ，一直都唔係太清楚∼

但我都覺得部份人越來越過份了！

直至到依家，我諗我都要了解下你地係度搞Ｄ咩。

了解過後我得出的是：

香港，搞到越來越亂了。

中央政府其實由回歸至今，給予我地許多可發展出發掘出新既政府收入來源既方案。

但好似大部份都俾香港人自己ＢＡＮ晒...香港政府自己諗果Ｄ既情況就更甚。

依家中央對香港睇黎都失去左耐性了，而視線亦轉移左去中國內地其他地方∼

例如海南島，中央對係海南島發展博彩業都已經開綠燈了，而且同意地方政府十大建設任務，建設國際旅遊島，睇勢必成為香港以外另一購物天堂。

如果計劃係海南島開設免稅商店屬實的話......

香港會想用咩同其他地方鬥呢？　旅遊購物？　金融？　定係近期特別旺盛既「政治」呢？

我講呢Ｄ唔怕你地話我係親中，我只係講出我所想。

其實大家搞咁多政治既野，不如我地和諧Ｄ，你覺得政府既政策唔好既，而你又有Ｄ對香港好既良方妙藥的話，不妨可以拎出黎同大家甚至同政府官員一齊了解下探討下，總好過依家係度睇一少部份人係度吵，但全港市民就要個個都係度聽、係度受呀。

大家唔好再吵了好唔好？　不如大家你來我來，坐埋一枱，一起好好咁傾下點樣先搞好香港既將來仲好啦＝）！

（ＰＳ. 如果大家會覺得依家做緊既野，係真係為香港依家水浸眼眉既民生經濟等既情況有益的話，我無言了...）

只係個人意見，路過的朋友如果都有感而發的話，無論支持定反對，都傾下呀＝）