今日由朝到晚都冇出過街呀... 成日留係屋企..... 悶c...
晚上再一次去小嫻既日記板睇.... 佢係度鬧鄭浩軒... 我唔知咩事,但小嫻話唔係軒佢唔會對唔住我... 我唔明呀... 一個月前、一個月後我都唔明呀!! 究竟發生咩事啫?
我仲睇度翠怡同雨雁俾佢既留言... 佢地同我既感覺都係一樣.. 都係覺得小嫻變左好多呀~ 同以前我識既小嫻都唔同既... 少左果份熱情.. 少左果種親切.... 我真係..好懷念以前既日子..!!
真係唔知小嫻發生咩事... 可能真係因為ar ben件事.. 對佢太大打擊.....
我唔安於現狀!! 唔理佢接唔接受~ 我應該要鼓起勇氣，搵機會同佢傾傾.....
今日一起身~ 差唔多8點鐘........ 死~!!遲到!! 今日我要返去學校同louis翠怡佢地整個健康教育小組board... 拿拿淋換好衫就出門啦~ 差d唔記得要買糖呀^^" 但咁早好多店舖都冇開門... 唯有去惠康買~ 諗住去俾$$果陣呢.. 先現突然唔知邊度黎多咁多婆婆伯伯排緊隊..... 兩條都俾佢地霸晒呀>< 咁我只好等啦... 等左好耐,條隊都唔郁wo~ 就望下前面發生咩事啦~ 聽到有個呀伯話: 「果度明明寫住話加多一蚊多包餅架bo~!!」 跟住個服務員就話: 「唔係呀..伯伯~你睇錯啦~呢度一包要$11.9架」 個伯伯又話: 「唔係既唔係既~你地想呃我呀?」 如事,佢地就咁擾攘左幾個字... 諗去第二條排啦~ 果邊咁岩又係咁wo~!! 唉... 本身都遲左.. 仲要俾d婆婆伯伯用多我成3,4個字時間.....T.T
終於返到去學校~ 俾佢地啤住...= =" 我地今日整左個BOARD既底紙同print左d字出黎就算啦~ 翠就要出街~ 我同louis佢地就走左去打波~ 最後就上左去睇dance club d人跳舞~ 幾好玩呀^-^"
