今日又要跑街,今次仲要跑多1k到.

死咁制,好彩今日平地多-.-

之後練前後步法,好輕鬆,唔知係進步左定咩

練返打左2場單,,19:21,21:15

成績都OK... 

今日唔係好想起身,反正今日都唔使上堂.因為有20個人出去幫手.

今日8堂都係自修,係咁捉棋,玩uno,好悶-.-

有d想上返堂算...最後英文堂,以為可以上堂啦

點d個老師都冇返-口-,9堂全日唔使上!!!

玩全日,至中1之後冇試過啦

放學去左6f打陣機之後返屋企

今日學校捐血日,我個班係第2堂就去,得4個人,好少...

係捐之前要寫個人資料,又要驗咩血,好煩-.-

我驗血之前睇到個人問準備好未,之後先驗,因為會好痛.

到我個陣,冇講野就黎料-.-未準備好,痛鬼死我...

之後開始捐,好似大約半個鐘.

捐完,食完餅,飲埋野之後返課室.

放學係自修室hea左陣,同eric去買校服.

之後返屋企
 

今日測驗(中史加數學)又黎幾科1齊黎...

大息個陣去左莉沙食飯,返到學校,去同人切生日蛋糕.

食左1個半ge蛋糕,好好食.

之後文學堂派卷,又係全班第1<---冇諗過0.0

中文堂係到討論聽日要報告ge野...好煩...

放左學去左禮堂睇左陣,見到肥肥係到抄野.

等埋佢走,傾傾下,先知上年4丁好多野都比佢吹到-口-"

聽完之後好無奈-.-" 

今日返到學校,d人亂咁坐,因為唔知坐新位定舊位..

過左班主任堂,坐左新位,個新位同英文堂係同1個位-.-

唔使換位.英文堂,聽個miss講書,悶得爆.唔想訓,但又頂唔到

好辛苦...之後上中文堂,好彩精神返.

大息個陣冇出去,落左去禮堂以為有得打陣羽毛球,但係要週會,所以冇得打..

週會堂,愈聽愈悶,到林sir講區議會個陣訓左..

放學中文默書,錯左幾個...要抄過6百ge字-口-

唉..聽日又要測驗..仲要3科,痴線