等左成年．．一直期待住既日子終於到左ｌｕ．．．
不過情況唔同左．．個人同合唱我都冇參加．．
吹水同燕兒同某某ｄ人（唔係真係指某人．．係我唔記得仲有邊個），都婉惜問我做咩唔參
我都係ｏ個句．．廢事啦．．懶ｌｕ．．自己知自己事．．都一定入唔到參黎做咩ｏ者∼
咁朝早．．突登沖埋個涼．．你知啦．．今日過後有個假期囉．．今日緊係以最抏狀態示人啦．．
好．．執掂個樣出門口．．
行到我最憎ｏ個條馬路ｏ個時．．見到女班、霖霖ｂ、砵蘭區同曾勇敢．．．
砵蘭區同曾勇敢同到我即話走先．．咁我同女班霖霖行啦
之後女班話叫我幫手．．我問咩事．．捉住條頸巾尾＝ ＝．．
我問做咩冇端端織頸巾．．佢話送比人．．咁我唔多問啦．．
我見佢都織左好長下．．問佢織左幾奈．．尋日開始織．．加埋兩個鐘到＝ ＝．．
勁．．冇野講
返到學校．．執頭．．
唉．．要整個咩咩斜半辮．．最憎．．
仲要我都要整囉，．冇天理．．仲要係卡樂ｂｂ親自開聲話一定要
算啦．．佢地都係為我好．．廢事我比人捉ｏ者
咁之後我係搞左勁奈．．連一路要練住歌仲整緊．．
終於入禮堂前最後整多次．．成功！
入左禮堂．．等左唔係好奈就開始．．．
１ａ．．我既至愛岑ｓｉｒ ｏ個班．．諗住都有ｄ料到啦．．因為點都係我地１ａ後人嘛
點知．．佢地首歌叫ｈｉｇｈ乜春．．真係ｈｉｇｈ到呀．．ｈｉｇｈ到訓著．．
１ｂ．．軒仔ｏ個班．．都唔錯啦．．
１ｃ唔記得
１ｄ都唔記得
１ｅ．．算啦．．都係唔記得．．唔係喎．．我地已經出左去．．聽唔到
好！到我地出場
緊張呀．．．阿彩講明話咩會做個動作引我地笑．．我聽到呢句已經係度笑緊－ －．．
之後終於唱啦
反而冇乜緊張．．我本來仲驚腳震．．好彩冇
咁唱啦．．本來我以為我自己木口木面．．我諗住阿彩遮住我嘛
原來我係正正中間囉第一行．．
事後ｆ．３個ｆｄ．．即係洋聰．．話我聽．．我係勁突出．．因為得我一個笑得勁開心囉係
我自己都唔知．．不過哼ｌｉ都話我好突出囉＝ ＝．．
原來阿彩瘦得濟．．定我肥得濟？＝ ＝．．
有一個轉身既動作我唔記得左．．好彩吹水拍得我大力．．唔係停左好奈．．唔係嚇死我
終於唱完．．ｂ班我地聽唔到
到ｃ班．．催眠曲
事後哼ｌｉ話我知．．ｂ、ｃ都係催眠曲．．．
ｄ班．．我覺得最勁．．．同我地唱一樣
ｅ班．．唔錯啦．．只係個黃同學有夠作狀．．食左搖頭丸．．唔錯啦．．比我地有得笑
ｆ．３真係好正囉．．
唱得大聲．．又好．．我鐘意
所以唔一班一班講．．
３ｃ唱百變小櫻同豬事丁．．正爆．．
３ｄ哼ｌｉｏ個班．．我差唔多就係聽到男仔同哼ｌｉ把聲＝ ＝．．
３ｅ．．ｌｅｅｌｅｅｏ個班．．一開始ｉｑ博士．．又係唔錯
之後個人啦．．．
第一個ｆ．３：我的心裡沒有他．．．ｏｋ勁．．個個係度嘩！ｗｈｏ！喎！
之後到個ｆ．１既愛得太遲．．講真超正．．好過古巨基咁濟．．．ｄ人幫佢打拍子添．．
之後唱完兩個．．個司儀竟然話．．因為頭先太嘈．．評判聽唔到唱乜．．重唱！
嘩．．正啦．．再聽．．呵呵．．
今次靜晒囉係．．都係頭先激ｄ好玩ｄ
到ｆ．１仔既時候．．我話不如嘈ｄ等佢再唱多次．．好衰添呵呵．．當然冇咁做到啦＝ ＝．．
之後到女仔．．都係上年ｏ個兩個．．冇乜新意＝ ＝．．
之後個林雅雯唱ｍｙ ｌｏｖｅ ｍｙ ｆａｃｅ．．我地個個話悶．．係度彈啦
之後．．竟然話要重唱！
我地衰到呢．．我同阿燕兒挨埋一齊扮訓．．哈哈
因為真係好悶囉．．．
之後合唱．．又係悶到死左．．．
終於講結果啦！２ｅ拎第一．．２ｄ同２ａ拎第二．．．
本來我以為２ｄ拎第一．．２ｅ２ａ第二＝ ＝．．
事後洋聰同我講話覺得應該掉返轉．．即係２ｄ２ａ拎第一．．２ｅ第二．．哈哈．．ｏ岩聽＝ ＝．．
之後返課室啦．．上去之前．．我同ｍｉｓｓ講打電話．．
叫阿媽拎雞翼黎．．本來諗住自己煎架．．不過我驚冬晒好核突．．所以叫阿媽幫我煮．．變左豉油雞翼．．．
之後我地返到課室玩遊戲啦．．．
第一個．．豬頭豬尾．．．
玩左幾次我都唔多知豬頭邊個．．見人堆就搵尾．．．
我仲打過尖添．．呵呵
之後最後一次啦．．我本來企左個尾後面．．後面唔知邊個推開我．．
次次勁多人堆下堆下．．我堆唔返入去．．
之後班人就話．．咦！周德雅！
我舉高左雙手．．感覺有ｄ委屈＝ ＝．．
我聽到波子話咩．．比人推下推下推左出黎．．．
咁之後我出左去啦
開頭卡樂ｂｂ話跳舞．．跳拉丁．．之後我話十年冇跳過．．鬼記得
之後些華姐話大嗌波子我愛你．．
卡樂ｂｂ話有ｄ侮辱人地．．
之後佢地終於話唱歌．．
咁話點歌啦
我話唱返ｓａｎｔａ ｃｌａｕｓ ｉｓ ｃｏｍｉｎｇ ｔｏ ｔｏｗｎ．．點知佢地話唔得！我係呢首先敢咁多人面前唱咋
之後話唱校歌．．咁好啦．．唱
點知突然間唔記得晒＝ ＝．．緊張掛．．
之後國歌．．又係頭兩句．．之後冇．．
之後有人話幼稚園．．唔記得點唱．．
麥兜．．一句．．．
我都唔係用返自己平時唱歌把聲啦．．
我寧願有人點我唱返我ｄ拿手歌．．
之後我話咁多句都夠啦．．
本來卡樂ｂ話未夠．．但係女班話ｏｋ．．嘩．．唔該晒．．
都唔知有時覺得卡樂ｂ係想我係咁多人面前出醜囉．．成日話為我好．．都唔知係咪根本玩野．．
之後終於坐返低啦．．
之後好似話扑傻瓜．．．第一個嗌我既係雞翼．．佢係第一個嗌人嗌我囉．．搞錯
之後又唔知邊幾個嗌過我．．我次次都一早諗定名．．萬無一失．．
之後佢地就準備食野啦！
我見到１２點半．．落去搵阿媽．．
點知搵黎搵去都冇．．之後見到白羊倫落左黎．．
原來佢話已經拎左上去．．咁返上去啦．．
上返去途中見到ｍｉｓｓ曾．．佢話我阿媽送埋叉碟黎．．我緊係知啦．．我叫阿媽買架嘛
咁我上到去．．話．．ｄ叉同碟買比大家一齊用架！
之後班會ｄ人派晒啦．．
我一早預左好多人唔記得帶．．之前仲聽到好似女班同些華姐佢地話一齊用．．
估唔到買多ｄ大家用係做得ｏ岩架！感覺好似做左好事咁．．哈哈
佢地準備咁奈．．悶呀．．卡樂ｂ派聖誕卡．．．
佢派完．．我本來諗住遲ｄ先派啦．．之後諗諗下．．派左先．．
點知勾海旗話．．下．．你又學曾ｘｘ派成班呀？
嘩．．聽完我真係唔多高興囉．．
我不嬲年年派全班．．上年我都係啦．．咩學佢呀．．搞錯
講到我好似跟佢咁．．．
之後我派派派啦．．．
男仔我留返最後一次過啦．．反正佢地坐晒一齊．．唔駛行咁多次．．
之後我好白痴咁．．差唔多企係佢面前．．邊邊個男仔呢？邊邊個呢？係邊呀．．
之後一個個咁係度派．．走黎走去
之後派剩兩張特別既．．之後問左何ｓｉｒ就走左出去．．
就係冇比佢．．．哈哈．．知佢唔會有反應．．算啦．．我不嬲都白痴．．
之後首先我上左６樓．．去左ｅ班比ｌｅｅｌｅｅ．．佢講左一句「嘩．．多謝你呀！」
之後我笑笑走鬼左．．落４樓１ａ．．我係窗口係咁嗌岑ｓｉｒ！唔應我．．
之後有個學弟仔見到我．．幫我嗌岑ｓｉｒ．．之後岑ｓｉｒ笑笑口行過黎．．我比左佢走左
之後返到去．．差唔多開始食，，，
咁開始ｌｕ！女仔先．．開頭我廢事迫入去．．係出面等啦．．佢地拎完先啦．．
之後佢地幾個都見我咁．．讓位比我入．．冇所謂啦．．等下囉
之後開始少人．．我拎野啦．．我拎左好少．．唔敢食多
之後卡樂ｂ話佢拎左一齊食．．使但啦
我食得最多好似係菠蘿腸仔同壽司．．其實ｏ者喱都幾好食．．不過好難拎．．所以放棄．．．
之後蜜蜂叫我幫佢拎粉．．死懶鬼．．幫佢啦．．之後放返係度．．
最好笑係．．我拎ｏ者喱ｏ個陣啦．．
些華姐係隔離．．我同佢講莫生好鐘意佢ｄ ｏ者喱．．之後些華姐話．．似佢呀嘛．．
我話下．．之後佢加一句．．似佢個ｘ←（大家知咩啦．．唔打出黎啦）
我話似咩．．之後佢搖我隻碟．．我隻碟有三舊ｏ者喱，，
之後我話．．咁我明啦．．
好笑．．
之後食啦．．卡樂ｂｂ話．．你駛唔駛食到咁呀．．人地又冇望你！
我話．．擺明懶斯文啦．．唔抵得呀？
之後過多陣．．佢好唔掂咁望住我．．我問咩事
佢話佢頭先開大個口正想送粒魚旦落去既時候．．佢條仔剛剛經過．．仲見到添．．
唔知比咩反應佢好．．鬼叫佢望住門口食野咩．．雖然真係幾可憐＝ ＝．．
咁之後食完啦．．抽禮物！
哈．．等左好奈啦！
最後ｏ個三份「特別禮物」．．分別首先由蜜蜂得到．．另一份同樣既比嘉欣姐抽到．．陰公．．
咩黎呢？甲蟲王者既陀螺．．正唔正？呢兩份係阿肥秉同曾勇敢買既．．不過我ｏ個份仲正！
竟然比條仆街砵蘭區抽返．．好笑加心涼．．抵佢死
我ｏ個份係乜？比細路仔玩既迷你籃球呀！
我不知幾鐘意呀．．不過其實唔夠架．．因為１５蚊架咋哈哈
我自己抽中卡樂ｂ ｏ個份．．係隻杯．．
上年佢抽我．．今年我抽佢．．都唔知話有緣定點好
之後執野啦．．佢地話冇整野食既執啦．．
但係阿媽拎黎個兜我要帶返屋企．．煩．．
之後我拎去洗啦．．好油．．．
之後搞掂晒．．整返好ｄ枱．．．執ｌｏｃｋｅｒ．．．
咁我比阿彩檢查啦．．點知比佢發現仲有勁多野未執！算啦．．都真係要溫既．．拎返屋企啦
多左好多野．．放唔落書包．．仲要拎個死人兜．．想死
之後吹水拎左我份數學ｕｔ３．．佢地數學要留低．．陰公．．
咁我等我份野之餘．．等卡樂ｂ啦好似．．
之後用電腦．．拎相！
咁我搵返ｇａｍｅ ｄａｙ既相啦．．ｏ岩心水既．．ｓｄ ｅｃｌａｓｓ．．收獲唔錯．．呵呵
之後走人．．
今日佢都有望我．．唔錯．．開心．．
不過冇話平時長假之前咁唔高興．．即係平時長假前我會係咁望．．驚冇得望架嘛．．
又冇特別咁既感覺喎．．可能因為知星期一仲有得見啦．．．
咁走啦．．個樣勁狼狽．．因為好多野．．又拎住舊「油」．．所以拿拿聲走
點知出到門口最後一步．．些華姐話叫我掩護佢．．
後面係波子．．我唔睬佢走佬．．因為ｏ個陣太樣衰．．．
咁返到屋企．．搵唔到鎖匙．．之後搵到啦．．
之後唔知點解有個衝動．．入到屋企．．我放低晒ｄ野．．
再出門口．．將條鎖匙放係地「煎」下面．．之後行下行下返左學校．．
平時我呢ｄ舉動一定做唔到．．唔知點解真係竟然做左．．
但係．．．上天冇如我所願．．
上到課室．．做左考試試場＝ ＝．．
之後落返去啦．．見到ｍｉｓｓ黃．．數學ｏ個個．．佢問我做咩未返屋企
我話返黎拎野．．但係入唔到課室．．
之類之類啦，，，
之後我問佢．．留低ｏ個ｄ人走晒啦？
佢話．．一早走晒啦．．
之後佢１樓走左．．我返屋企啦．．．
好衝動．．都唔知點解會咁．．算啦．．始終都冇見人．．
返到屋企．．好攰．．訓左．．
平時不嬲都記唔實佢個樣．．今日可能上天幫我．．記得好清楚．．
發左個夢．．平時發夢見佢個樣都好模糊．．今次勁清楚
個夢好似係話．．下意識我係想去練波．．手球．．
之後我去到操場．．有個深淵咁既地方．．裡面包滿晒人．．
卡樂ｂｂ係我隔離．．我地係個深淵上面．．冇位落去
我一眼見到佢啦．．同埋白羊倫等人．．
見到佢用一種．．唔識講．．即係好渴望．．強求既眼神．．望住我．．
依家諗返起．．都好懷念佢既ｏ個種眼神．．但係我已經諗唔返起佢個樣＝ ＝．．
之後我唔知做咩啦．．去左廁所．．個廁所好大既．．
卡樂ｂｂ唔見左啦．．咁我去抹手，，之後我抹完諗住掉左條毛巾佢啦
之後見到坤兒抹完放返係度．．我話做咩唔掉左佢
佢話．．掉左佢好晒架嘛！
個夢完ｌｕ．．好好笑－ －．．
之後冇乜野啦．．
之後夜ｄ開始掛住佢．．係勁掛ｏ個隻．．頭先邊個話唔多掛＝ ＝．．
再訓ｏ個陣又唔記得返佢個樣．．陰公，，
唉．．打完．．又冇人睇晒？
係既多謝先＝ ＝．．好似未試過咁長．．哈哈
|
