ｐｓ．今日日記超長．．．希望大家有耐心每一隻字睇晒佢．．．我諗冇乜可能＝　＝．．（你地係咪諗緊．．我不嬲日記都超長架啦．．仲連我都再話超長咪勁撚ｘ交叉ｙ長！嘻嘻．．．）

今日同萊萊游水．．．
佢係我中學時期之中仲最成日出黎玩既小學同學．．．
我依家既性格大多都係由佢傳染架！
佢簡直係正宗大笑姑婆．．
我本來以前都冇咁成日傻笑架．．．
係六年班臨尾我近佢多左．．．
比佢傳染左ｌｕ＝　＝．．
其實我都未至於傳晒全部
我只係承受左佢既五分之一．．．
因為佢真係好勁
同親同一齊
即使佢幾強人所難做ｄ野幾令人嬲．．．
佢一係度笑我就跟住佢笑．．．
之後就唔再嬲．．．
同佢一齊真係好輕鬆．．好好玩
所以我都好鐘意同佢一齊．．，
嘩！介紹佢都講左咁多野添
講埋呢句啦
我同佢一齊既時候呢．．．
笑既時間係佔左三分二架！
冇誇大．．．
真係好勁！
因為今日我成日都係同佢一齊．．．
所以咪介紹下佢先＝　＝．．．

講返正題．．．
咁今日本來約左佢９點鐘係頌富輕鐵等架嘛．．．
咁我到左頌富．．．睇下電話．．都仲係４６分．．．咁我見反正我又未食早餐ｏｋ肚餓．．咪入７－１１睇下囉．．．
咁之後我買左咖啡啦（雀巢香滑）（我唔係成日飲．．我見突然想飲咋＝　＝．．）
行到輕鐵站正想入站．．．條友打黎．．話要９點半先到！
仆街．．點解呢個劇情咁熟既．．．
咁我嬲霸霸到屋企．．坐係風扇面前．．．屌！肚餓！
咁拎餅食．．食完去廁所整理下．．佢打返電話黎．．話出左門口．．叫我差唔到出定．．．
我坐返係度．．飲埋咖啡．．慢條斯理行下企下．．
佢再打黎．．話到左．．我先慢慢出門口．．．
次次同佢去游水．．都係我到左頌富先同我講佢仲係屋企．．要遲半個鐘．．
而我次次亦即刻返屋企．．等佢到左我先再去．．要佢等下．．．
呢種事情不下三次．．講真．．我仲要蠢到真係準時到達．．．
其實唔只游水．．平時出街都係佢實遲，，，
今次真係學精．．．
以後同佢出街遲三個字差唔多！
到左頌富．．ｏ岩ｏ岩走左架車．．妖．．．

上左車啦咁．．．係咁傾計啦．．．
之後到左泳池．．．仆街！我唔記得左星期三洗池．．．
萊萊照排勁怨我．．話我唔記得．．佢係咁．．算－　－．．
我地去返天水圍泳池啦喎又．．．
屌！我唔記得帶身份證．．．
妖，．．萊萊嬲到爆．．我無奈之極．．．
ｏ個陣已經１１點．．．
我地唔甘心！所以我地決定游下場既
呢段時間係我屋企過．．
因為我近ｄ嘛

咁之後１２點半到啦
我地出去銀座食野
食完野．．又去返泳池．．
好ｙａ！真係游得水ｌｕ．．．
各位．．原來我最重要既野未講添！
其實今日我ｍ到架！（好直接添．．我諗都冇乜男仔睇我日記．．不過就算係都冇所謂啦．．正常架嘛係！）
咁我一早換左泳衣架嘛．．又用左衛生綿架嘛．．
通常ｄ衛生綿用兩個鐘到換一次架嘛！嘩．．４個幾鐘啦！
咁我趁萊萊換泳衣既時候換啦．．．
之後我怱忙得濟．．．搞到好痛．．．
一開頭仲未敢游．．好痛．．．
之後萊話不如玩大滑梯先．．咁我咪玩囉．．．
玩完三次冇咁痛．．開始游！

排名時間不分先後．．以下係泳池發生既幾件事：

１．我笑左最奈既一件事。

我地游緊水啦．．
今日唔知點解勁多男仔團．．．
突然有幾個男「仔」走左我地隔離
瘦ｏ個個指坐肥肥地ｏ個個同萊萊話：「小姐，佢話想識你呀．．．」
萊萊ｏ左咀．．拉住我走開左
ｏ個兩個細路仔好細個．．應該三、四年班到啦．．應該．．．
咁仲有兩個架嘛．．高好多．．應該好大個．．唔知架．．
不過我同萊都話高ｏ個個靚仔好多．．．
咁之後呢．．．
我勁係度笑．．．
因為好白痴．．．

２．萊萊教我溝仔秘法。

我地轉左另一個池啦．．．
咁停係中間傾計
佢係咁話今日咁多男仔都冇人搭訕．．．
咁我問佢如果見到目標獵物點樣搭訕開頭．．
佢勁好笑．．．
勁白痴咁話：「嘩！一齊玩得唔得呀！」
笑到我乜咁

３．間接性失聽。

萊萊挑戰我玩撥水．．．
大家記唔記得曾經我有篇日記同男班玩潑水＝　＝．．
唔關事既提下ｏ者．．
講返
咁之後我潑到佢左耳．．．
佢話ｄ水入左去．．．
聽唔到野咁喎．．．
之後跳下跳下整返ｄ水出黎．．．
繼續笑到我乜咁

４．水中擁吻。

勁正呀諗起ｏ個個鏡頭都
係咁既
咁當時我唔記得左萊萊去左邊．．總之佢睇唔到呢幕
咁我咁ｏ岩望向一個方向
突然就見到一對情侶係池邊
攬住左．．．之後一齊踢池邊．．．跳左出去．．．之後係度錫．．．再跌左落水繼續錫．．．再見到佢地上返水面．．．我就冇再睇啦．．．
嘩．．．正呀！
我呆左．．．
我睇到之後即刻講比萊萊聽．．．
佢聽完之後即刻話第時如果同ｂｆ游水都要咁．．．
好浪漫唷！＞＜

５．英雌救美

我係咁係水到抱住佢．．
原來真係好有ｆｅｅｌ
之前就係成日比妍大佬抱．．好ｆｅｅｌ
原來抱ｏ個個都好正＞＜
我簡直想錫啖萊萊．．．
唉．．如果魚旦抱住我就正！＞＜

６．金魚婆婆

萊萊同我見到勁多著比堅尼既小妹妹．．．
兩三四歲到，．．勁可愛！＞＜
佢直情想姦左佢地＝　＝．．佢話架．．．
不過有一個．．真係好可愛．．．個樣都好標緻．．．
第時應該勁靚女．．．
不過個阿媽差ｄ．．．肥到乜咁＠＠
之後經過ｄ細路仔．．．萊萊忍唔住掂下佢個頭．．
點知人地阿媽勁望實佢．．我地勁瘀皮咁走左＝　＝．．

７．終於到我有人搭訕啦＞＜！

哈．．．
咁好多都係想溝萊嘛．．＞＜

咁呢．．．
我地兩個得閒得濟玩緊掟個微鏡出去鬥執嘛（好明顯係我個微鏡啦＝　＝．．）
咁之後冇端端有個人問我係咪成日游開水．．．
我話係啦．．．之後佢自稱游水教練．．．
佢話見到我隻眼有個圈圈都知道我成日游水．．我諗係人都知既－　－．．
咁之後佢又問長問短．．識游咩．．泳會學定學校學．．．又問咩學校．．ｆ幾．．．之類啦
之後冇端端又叫我游自同蛙睇下．．．我咪游囉
佢話我自游快ｄ就ｏｋ．．蛙就隻腳唔係太得．．手唔夠快．．．
我真係非常極之想同佢講．．大姐．．我ｍ到呀．．仲痛緊呀．．點咁用力呀！
但係最終冇講啦．．．
之後佢話佢私人教緊ｄ唔知邊個親戚．．話就快完．．一陣游比我睇點游．．．叫我地游下先．．．
之後我同萊玩左陣就轉池．．驚驚地呀嘛＝　＝．．
不過我覺得有個人免費教下游水都唔錯呀∼

８．長甲兵隊滅亡！

萊萊一暑假開始留長左指甲．．暑假約左佢三次出黎都比佢打到勁痛．．．
點知游完水．．我換完衫之後．．．佢出到黎同我講
佢沖亮ｏ個陣整斷左一隻指甲加一隻反左甲．．．
我即刻叫佢唔好亂咁黎．．返到屋企即刻兼馬上剪晒佢．．佢嚇佢以後唔好再留長指甲．．．
佢即刻應承唔再留啦．．我鬆一口氣＾＾
之後搞掂晒ｄ野走ｌｕ．．．

（事後大概１２點既時候．．佢同我講都係唔捨得剪．．我諗諗下都真係唔係太捨得＝　＝．．唔知點解．．可能慣左．．所以最後佢都係冇剪．．就係縮短左一半囉全部．．佢話真係返學先剪）

講回正題：

走左啦咁．．．
出到去萊萊話要影相
咁影啦
正想影既時候有人係度嘈
我望過去唔認得
點知聽返把聲原來係教練
佢比左電話我加拎左我電話啦．．．
叫佢如果想入泳會ｃａｌｌ佢．．之類之類
之後又幫萊萊拎左藥水膠布．．．
我好想問佢．．泳會係咪要錢＝　＝．．
係咁ｓａｌｌ我入＝　＝．．（事後我問大老婆．．係要比錢架！）
之後佢終於走左
我地兩個繼續勁影相
本來都想ｐｏｓｔ　ｄ相比大家睇．．．
點知萊萊事後又話唔比我ｐｏｓｔ　＝　＝．．
佢話１００％肯定我冇鎖右鍵．．話驚人地拎左ｄ相周圍ｐｏｓｔ咪個個知道佢張相．．＝　＝．．

之後返屋企．．
１０點３０開始打日記．．．我依家打呢隻字已經１２：１０．．你話長唔長．．
今次日記係我平時既３倍咁濟．．唔知有冇呢．．我亂講．．．
但係仲有野講呀！

就係咁既
１１點幾ｏ個陣
個教練打比我＝　＝．．
嚴ｓｉｒ呀．．．唔記得講．．．
佢問我入唔入泳會．．近幾日去唔去天水圍游．．．之類
之後話星期六佢要去天水圍
順便教埋我背同碟．．
我係就係想學呀
但係邊有咁好死呀！
都唔知點．．．
我話到時先算
佢話星期五再ｃａｌｌ我
我打算睇下點啦
始終我ｍ到途中
我諗佢應該都唔會話收返我錢或者非禮我既．．．第一次＝　＝．．

嘩．．唔打啦．．．
應該冇野架啦．．．
打到手唔軟．．但係坐到ｐｅｔ　ｐｅｔ痛！＞＜
我訓覺啦．．
現在係１２：１７．．．早抖各位！

ｐｓ．今日日記係咪真係超長呢？我自己都覺長＝　＝．．多謝每位睇晒睇到黎呢到既人！＞＜．．．今日真係一波七七廿一折呀！我記得好似仲有野想講．．但係唔記得ｌｕ．．咁多算啦∼卡卡