自從搬番去以前住o個度之後，一直都keep 住要帶散銀，好唔慣，因為由屋企去地鐵站，多數都搭紅Van。點知今朝終於都失察喇，無散銀，又無散紙，好無奈。問個司機有冇得找，佢又問番我冇散紙呀，吹漲。跟住我唯有問坐隔離位的先生有冇得同我'唱'啦，佢就話散紙就無喇，散銀就大把，跟住佢就借左幾蚊俾我，下次見到佢先還俾佢。今次好唔該呢位仁兄呀！真係好唔鍾意搭紅Van 呀！

跟住到左夜晚o個程車喇，又輪到另外三位衣著古古怪怪的初中生冇散紙喇，搞到好多乘客都係到找散紙幫佢地，最終都係司機叔叔找到俾佢，搭紅Van 真係好唔方便呀！