過回了幾天正常的日子...

阿元條粉皮係星期5,last day果日玩野...

成個星期之前日日同佢拎辭職表,佢話唔知我地辭職?

好野...扮傻最高境界...

星期六一早陪完丫媽丫爸飲茶番屋企...

一汁就汁左半日屋...順手仲整番好埋部電腦xD !

唔話自己乖仔都唔得~仲搵番失散多年既一堆玩具...

2隻美國超人同綠魔既公仔...一個舊既英式巴士模型...

自從識用電腦...e d玩具就比我忘記左...

星期日起身同丫哥食完晏之後就一個人去左市中心走走~

入去商務又忍唔住手買野...次次買書都睇唔過一陣就睇完...

有興趣一睇可以睇足6~7個鐘...

之後2點半join埋馬仔佢地就去石硤尾比賽...

結果就唔好提lu,總知就係輸...

夜晚,約左成家人同fina 一齊去霸王山莊食晚反...

都幾好食...但係又唔係想像之中o甘好食...

一路同丫媽傾計,佢話我e幾年定性左,乖左...

真奇怪...我永遠係丫媽眼中都係長唔大...

之後同阿哥,fina姐講番果套不能說的秘密...

人如果可以回到重去你話幾好...