臨近補考..
我仲周圍去...真係唔係幾識死...
係屋企日日都對住部電腦...打機上網聽歌..
出街就食野..然後又係打機..
係度燒銀紙...仲有入冇出添..
咁樣落去真係唔係辦法..

讀緊大學嘅朋友都返哂黎..
以前可以同班開開心心..
依家要出黎聚舊都要等放假..
再加上人地係大學生...
我只係升高三...仲要補考..
心裡真不是滋味..

永遠做乜野都要臨急抱佛腳..
係要感覺到唔夠時間..
先至會去郁手做戈件事..
難怪最後都得唔到好嘅結果..
測驗默書功課就係例子...
星期一默中文...測地理..
到依家我掂都未掂過佢地..
而且英文仲有麻煩功課..
要一日時間內搞掂哂佢地..
雖然話有志者事竟成..
但係時間亦都係金錢..
唔通淪落至要每日六點起身溫習先至係好事?

之前自己所下嘅決定..
無兩三日就宣告失敗..
明知呢樣野對自己唔好..
但係仲要繼續泥足深陷..
只可以話自己定力唔夠..
對我有期望嘅只會失望..


依家距離補考仲有唔夠一星期..
睇下自己可唔可以收歛一下..
只要努力埋呢個星期..
而且仲要得到好嘅成果..
就可以同呢班好同學一齊升上高三..
亦都可以履行自己
對父母, 朋友, 同學嘅諾言:
「你地放心, 我實升到高三嘅!」



補考倒數: 4日
剩返四日俾我努力..
希望我可以善用呢4日嘅時間。