今日朝早又去左捐血..
搵埋表哥一齊去~ 佢第一次~
今次係我第四次去捐啦~
橫掂我咁大隻~
捐多幾次都唔會失血過多至死嘅~

過到去又量血壓..又磅重..又量唔知乜叉叉..
去埋食左個唔洗錢嘅「免費早餐」
就入去放血..

捐左咁多次..都知道程序係點架啦..
不過始終見住支意粉咁粗嘅針都係有d怯..
老實講..其實篤手指係最痛..其他都冇乜野..
見到佢係咁搵我條血管...我都不期然有d緊張..
但係估唔到佢話"隊"就"隊"...噢..真係爽..
十分鐘內就流左450cc..真係好快...
一次比一次快...表哥就慢過我好多~呵呵
所以如果我割脈自殺...應該真係好快失血過多至死...
搞掂哂...仲諗住佢會有野送...結果冇..算..走人..


夜晚去黑沙環東昇打邊爐~
預先為燕燕同西施慶祝生日~
出席人員名單(不分先後):
me, hk, 魚皮, 小q, 豬彬, kison, 嘉明哥, 西施&佢bf,
carmen, 飛飛, 阿婉, tracy, 燕燕, rain&佢細佬, 阿連,
阿四, 阿fat, 譚曉, 惠儀, ivy,
好似就係咁多人...
有夠熱鬧....
搏命咁叫涷檸賓~haha
不過食食下喉嚨痛...有幾個都一齊黎野...

埋單戈陣先好野...d錢搞到亂七八糟咁..
一時話90蚊一位..一時又話返72蚊一位= =
最後都搞得掂...(硬係覺得自己好似蝕左底..)

走人戈陣...幾個女仔話要車佢返屋企..
魚皮就慘d~俾人玩~ 雖然之前阿連都叫我車佢..
不過我再之前應承左小q~=v=
各散東西歸家去~~


聽日小測地理..
要早d起身溫習嚕...