基本上由癲完戈日開始..
日日都係以頹黎過日辰..
每日必做ge事...基本上亦只係打機..
猶如倒緊錢落海..不過咁樣先唔洗生蘑菇..
但係日日都咁出..搞到屋企人都鬧我成日出街
但係..唔出街...係屋企可以做乜wor..
雖然話可以做下功課溫下習...
但係...我係屬於臨急抱佛腳型..
唔到最後幾日都係唔會做任何野...
雖然依家都29號...但係我都係唔係咁想郁手做功課..
而且...我到依家都仲未諗到將來要讀咩系..咩大學..
oh no... 問過係台灣ge fd...
台大有咩科易收?
ans: 政治系
讀完出黎... 做掃街??
定係做泥水佬呢??
所以都係暫時唔諗呢個問題..
何況佢都話寒假戈陣有輔導會..
唉~!見步行步啦!!

呢幾晚都訓唔著..
屋企人問我係唔係有野諗..
平時我諗野都唔會訓唔著..
更何況呢幾晚都係攰同埋有睡意先灘落張床度..
但係就成5點幾先訓得著...都唔知咩事..
可能又係因為唔夠訓...有一朝起身刷牙戈陣..
睇到左眼眼白戈度有一撻紅色...
咦咦??爆血管?! 雖然我冇乜特別大ge反應..
不過話俾屋企人聽.. 佢地又嘈住叫我去睇醫生..
結果我都係買左支眼藥水黎滴... 唔掂戈陣先睇醫生啦~
但係個人都好似想病咁...四支無力... 間歇性頭痛..
唔係到就黎放完假先黎病下wa?!
唯有早d訓睇下會唔會好d係啦...

放假前話搞高三文丙打邊爐..
但係睇落都唔覺搞得成..d人都冇聲冇氣..
反而見到搞高一文乙個燒烤...已經見到佢地收緊錢..
睇黎d人都對高三文丙唔係太有歸屬感...
不過係畢業旅行戈陣都見到呢樣野...無意見lu

仲有兩日就踏入2009年啦..
睇下有冇人同我一齊去倒數啦~ha
不過我都唔會期望我想去ge人會同我一齊...
唔知點解覺得呢一年..
好似會有重大改變..
中學生晉升為大學生??
留澳 or 離鄉別井?
金融海潚後ge金融地震?(唔好俾我講中)
不過都係新ge一年有新ge開始~
希望可以事事順境啦~ 而且..
同三文丙ge同學係課室相處ge時間剩返一半..
都希望佢地可以和和諧諧咁過埋呢幾個月啦~

係咁多~