一連四日ge第二段考試...
精神已經到達左忘我ge境界~
幾乎每日都出去溫習...(除左尋日)
睇落好似真係好勤力~
但係事實上溫習成果都不理想...
當然...每一次出去溫都有一部分時間..
係度吵鬧..玩...食野~
但係諗起剩返可以咁樣聚埋一齊ge機會唔多..
都有一陣感觸湧起上黎...
明知真係出黎溫ge成果經常都不太好..
但係都冇後悔到出黎~
即使出到黎ge成績唔好都唔會點樣埋怨ge~~
計埋假期等等ge日子...只係剩返50日左右..
一定要好好珍惜剩返落黎ge高中生活

都有好幾個月冇落雨lu...
一落就落返夠本~
成日個天都陰陰沉沉~
間中落d小雨~
雖然唔係咁鍾意但係都唔討厭~(自相矛盾)
只要個天唔咁悶熱就冇咩所謂啦~!
考完最後戈科之後就開始籌備各項節目~
因為星期六有保齡球比賽~
所以就諗住去佳景練下~
可惜天公不做美...
開始通知去ge人幾點等戈陣就開始落大雨..
仲好似落唔停添...
仲諗住d人會唔會唔去..
但係kison話即使落雨都去~
見佢咁熱情咪繼續打電話叫人~
約左3點...出門口之前見到場雨更大...
仲同阿麻嘈左輪先出去..搞到咩mu都冇哂..
冒住大雨過到去佳景...又再諗會唔會有人唔黎~
不過都係多餘ge...佢地已經係佳景樂園入面玩緊~
出席人士有: me, 魚皮, 新仔, tips, 豬彬, 嘉明哥, 老虎, kison, 阿四, 阿連, 契媽, +西同佢個德德
基本上冇一個算係真正ge識玩~ 落坑次數驚人呢~
之後仲離左題...鬥個波ge速度邊個快...
嘉明哥仲犀利...碌戈陣拋起左個波..
跌左落左邊ge坑邊~"磅"一下大聲~
之後再彈過右邊ge坑~ha 笑死
合共玩左2局~都玩左幾耐~
成班人一齊玩~真係好正~
下次去篤波啦~ 不過更少人識玩..
雖然我識少少..但係勁水皮..ha

考完試心情完全ge放鬆..
已經完全唔想返學啦..
可惜聽日都係要返...
預左聽唔到書lu~
不過距離畢業試仲剩ge時間唔多..
老師們應該都會趕課吧~

仲有16日就 歌唱比賽初賽~
我要唱好「倔強」
我要入圍~! 我要攞冠軍~! haha