祝我早日開心

沉默左一日lu

本來以為會選擇默不作聲

但果然我係咩都寫係臉到ge人XD

真係希望我打完出黎 講完出黎

可以舒服D 不過要迫大家吸我D負能量

真係唔好意思啦..

首先多謝咁多位安慰我GE人

問我GE人 我冇講到俾你知真係唔好意思

因為我真係冇心情講

但都多謝你地關心

知道GE人 好多謝你地諗盡辦法想令我開心

包括果班低能仔XD

聽我講GE人 多謝你(地)聽我講呀

以下講GE野我會好認真好認真

事先聲名任何人睇完有任何情緒 請管理好同諗清楚先作出回應

我唔係為反駁 都唔係為嘈交

我只係想俾關心我ge人知 我到底心係點諗同點睇

唔原諒一個人代表係自己錯?

試問下自己值唔值得原諒

第一次機會過左去啦

可能連講果個人都唔記得左lu

但每一句說話係我腦到都記得清清楚楚

第一次.我當若無其事 果次我接受左你ge道歉

因為我深信你值得原諒

如今第二次 我仲要俾機會?

我要再一次當冇事發生?

如果我俾多次機會 我能唔能保證自己唔會受第3次傷害?

有冇諗過一句說話可以有幾大殺力?

口快快 直 唔經大腦 佢性格係咁嫁啦

呢d係好難相信ge藉口?定好難相信ge理由?

如果口快快有兩次 如果性格係中意傷人

咁我諗同呢類人唔夾

果D說話已經唔單止係口快快講錯GE野

而係傷害人地自尊GE說話

底線我都有

我承認上一次發脾氣係我唔岩

我亦對大家道歉 因為我知我自己情緒過份左

但今次你話我知

我要點先可以唔發脾氣?

試下一次又一次聽到你屋企人俾人踐踏

試下你要幾耐時間先以忘記呢D說話

試下當你見到講呢句野GE果個人 甚至係被講GE屋企人

呢句說話會再係你個腦出現幾多次

呢D說話係人都識講

只係我知道作為一個人係無可能講得出

何況你認識我咁耐 相處咁耐

咁了解我屋企 做朋友咁附

我唔相信你會唔清楚 我對呢d說話有咩反應

定係你從來都冇當我係朋友 或者一個有血肉ge人

你做錯唔再只係口快快講錯野

而係傷左一個人ge心

傷害左就係傷害左 道歉係冇辦法改變

道歉目的係起碼能令相方好過 令傷口快d結疤

但老實講 我認為你ge道歉

只係想減低自己ge罪惡感....

事到如今 大家都叫我be happy 唔好咁 開心d

我多謝大家ge安慰

但要我一時間開心 我諗我冇可能做到

我唔想係其他人面前表現成咁軟弱

我都唔可以原諒自己 點解要將唔開心表現出黎

我不能接受咁樣ge自己 但今次打擊實在太重

時間係可以沖淡一切

但傷口點都會有疤痕

回復以前我都認為冇咩可能 但我唔想失去值得珍惜ge野

雖然我諗100%痊癒係冇可能

但最少也希望有一日 可以面對到你

不過要俾時間我,

最後我想講一樣野俾大家聽

我媽媽係養大我ge人 無論佢係人眼中係點

佢都係我媽媽 世上只得一個ge媽媽

雖然我唔中意我爸爸 甚至唔記得佢係點

但佢都係我爸爸 一個有份生我ge人

我唔容許任何一個人侮辱佢地..

負能量爆發完畢

祝我早日開心XD

以上

發表時間：2010-02-26 09:05 PM  [ 編輯日誌 ] [ 分享至FACEBOOK ]