好耐好耐冇打過日記lu...唔知點解突然好想打...我想記錄關於我同佢ge事...
2月1日 再次分手的第1天
一早起身...打開個msn就見到一句:sorry..分手啦
即刻成個人呆哂..打佢手提又打唔到...打去佢屋企問佢咩事...
佢竟然答我未訓醒遲d再講...唉...但係試都係要考..就飛左返去考...
一路諗點解會分手...根本完全溫唔到書...張卷都係求其寫...寫完同阿sir講有急事要走先...
再打去佢屋企..已經冇人聽了...我就由走出學校開始猛咁搵佢...去左好多好多次佢可能會去ge地方...
一味係度打電話...打極都冇人聽..搵到3點幾...都係搵唔到...不過知佢4點會返工..
.我諗佢唔會避我避到連份工都唔要掛...之後係水坑果頭係咁搵..4點都未見人..
4點2左右先見到佢..就問佢點解...佢淨係話收工你搵到我再講啦...
之後就返一返屋企...知佢8點收工..6點中就行左出黎..飯都冇食..佢返工果度見佢唔到...
我又好似個白痴咁係度搵...係水坑行左成10幾次..我諗d人都認得我..覺得我痴線ga啦..
搵到8點幾...我諗佢會落國華掛..落到佢..佢真係係度...就問佢點解...得到ge答案就係...
我覺得我唔中意你...你重新追過我啦...追到我中意你咪同返你一齊囉...
聽到呢度真係好無奈...只不過我真係好想好想同佢一齊...所以決定繼續去追...
2月2號同3號
呢2日都係國華等佢收工..陪佢打完機就送佢屋企...同佢傾msn...
2月4號
呢日同平時一樣..接佢收工..同佢食野..今日同佢坐小泉...攬住左佢..
同佢傾計...我真係好想比佢知...我係真係好中意佢..而唔係為左面子...
食完野落左國華打機...打完機..送佢走果陣...我錫左佢2次...佢2次都好似冇避咁...(之後佢同我講返好似有)
雖然唔代表d咩..係果下開始...我就決定左唔會再做到咁...
2月7號
呢2~3日都冇乜變化...只係個心真係冇一刻唔諗住佢...真係好想同返佢一齊...
就係度同佢傾...同佢講話仲有1個星期就14號(姐係情人節)...不如呢個星期諗清楚d...
佢應承左我會諗...
2月8號
每一日都好似過得好慢咁...今日見佢返工好似冇乜點食野..問佢使唔使買野比佢食..
諗住返屋企食埋飯先去買..食飯食到一半..阿滔打黎wo..講左2句見到成8點2..
就即刻飯都唔食衝左去買米線比佢食...買緊果陣比佢催我話肚餓...咁就拿拿聲拎比佢食...
比左佢之後見佢冇野飲就叫佢等我一陣..衝去買comebuy比佢飲..
之後就係國華打機等佢收工..送佢返屋企...係屋企繼續傾msn...
2月9號
佢突然同我講叫我呢幾日都唔好搵佢...佢收左工就會即刻返屋企...
叫我唔搵佢...我邊度做得到wo...唉...見佢應該收左工..就落國華睇下佢係咪真係唔落...
結果都撞到佢...不過佢都係落左大半個鐘左右就返屋企...
2月10號
呢日係施英傑生日..佢話搞唱k...果日我去接佢收工..落國華打機...我問佢陪唔陪我去..
佢話去一陣..去到冇位坐..企左好耐..有位坐果陣...佢挨左落我度...好自然咁我就攬住佢...
突然佢捉住我同佢塊臉貼得好埋...差d就錫到..雖然我好想..但係我應承左自己..唔會錫..
因為我唔想再做d咁過界ge野...之後我同佢講..可唔可以早兩日比個答案我..因為我好想同你一齊過呢個情人節...
之後佢就話要走...咁咪送佢走囉..佢走果陣我問佢點...
佢諗左好耐就答:我唔中意你呀..就算過多兩日我都係比呢個答案你...
果下我真係好心痛..我拉住佢唔比佢走...我真係好唔想比佢走...
但係都係走左...我企左係度唔知可以點..淨係知道個腦一片空白...
到我聽到佢講左句..."你走啦"..先有少少反應...望住佢走..個心真係好痛好痛...
反到施英傑個場...完全冇心機玩同飲酒..果晚同佢傾電話傾到好似鬧交咁..
可能係我自己唔甘心啦...過多陣個電話又冇電..果晚反屋企果陣..
一路行返去一路喊..咁岩又落雨...所以冇人知...
唉..我真係未試過為左女流眼淚...
2月11日
本來真係想就咁就放低佢...之前我可以話放低就放低...
但係我真係控制唔到自己唔去諗佢...所以就打電話同佢傾計...
2月12日
果日去接佢收工...同佢講話買左份禮物比佢...佢問我係乜黎..
我就帶左佢上信達3樓度叫佢自己估..佢估左好耐都唔知係邊條..
仲去問個sales..好彩我早就預左佢會問..就叫個sales唔好講...
我只係講左一句..你中意邊條..我咪就係買左果條囉...
結果佢指果條真係我買左果條...好彩都冇買錯...
買錯左佢又會話我唔了解佢ga啦...
唉..其實又點會唔了解...只係了解得唔夠清楚姐..跟住就同左佢去食野...
打左陣機就送左佢返去了...
2月13日
終於到呢日lu...等左好耐..準備好ge禮物亦都一樣..
呢日佢同我講話佢12點鐘收工..收左工就即刻返屋企陪阿媽...咁我就心諗...岩岩好...
接完佢收工..送埋野比佢就算數...因為佢話叫我唔好送佢返去...
到11點半左右...我拎埋份禮物...行去佢返工果度等佢..望左幾次都唔見左人...
原來10點佢就已經收左工...咁咪打比佢囉...打極都冇人聽...真係驚佢會有事...
直到夜晚3點左右..佢先打返比我...問我打得比佢咁急做乜..我就答佢..有野想同佢傾...
佢同我講睇緊電視...遲d先講..到套戲完左..打比佢..佢話佢同個fd講緊電話...
突然間又爆左句:算啦..我唔會同你一齊ga啦...果下真係唔識比咩反應佢..
佢一定係同緊果個野講電話...而且已經有一齊左ge嫌疑..但係佢話冇..咁我咪信佢囉...
2月14日
大年初一..又係情人節...呢日一起身就搵左佢出黎食野..係佢屋企樓下等左成大半個鐘..
吹足咁耐風..本來已經有少少唔舒服..仲要係佢面前扮冇野...一心諗住同佢食小泉..
等佢坐底果陣搵人送札花入黎..結果佢話太多人唔想等...就去買左d野坐係國華一邊打機一邊食...
打到咁上下...我問佢有冇收過花..佢話收過一次..咁我就同佢講..咁你今日收第2次啦..
佢望住我好似唔信咁...咁我咪走左去買囉..去到買花果度..我見到d紅玫瑰好靚..
但係出黎果陣冇帶太多錢...買唔到..就買左都幾靚ge粉紅玫瑰...我知佢中意紅色..
但係只可以怪自己帶唔夠錢...佢阿媽同佢講話粉紅玫瑰代表ge係二奶(其實唔係)..但係我真係想買紅色比佢..
佢都幾開心ge..不過因為係粉紅色所以有d嬲我...唉..我咁大個仔第1次送花咋...
之後夜晚同佢食埋野...佢就話去打機..而我就同阿霖佢地出左去...
仲有好多好多...打出黎怕冇人睇...遲d再up load 啦..
|
