琴晚落左裕記飲酒 好辛苦呀 個胃唔生性 又黎料 但係今次我係堅決唔睇醫生 因為上次咁樣已經怕怕啦
今日8點幾就起身番學 去左seven到買早餐番學校食 lunch個陣我同阿朗去左許留山到食野
傾左好多野 真係好耐冇同你好好咁傾過啦 點都好我會支持你嫁 但係始終都要睇你自己
好老實講 我好心疼你 唔好拖拖拉拉啦 知唔知 食完野番去上埋2堂中文就放學lu
放學個陣竟然見到肥偉同阿paul係學校樓下間碟舖到做囉 好突然呀 但係我覺得好搞笑 嘻
今日都見到幾多人 見到阿豐同阿聰 佢地都冇咩點變到 自己行緊番屋企個陣 又覺得肚餓
之後就去買肯德基番屋企食啦 執下屋咁啦 夜晚咸魚上左黎飲湯 嘻 佢係我第一個朋友飲我煲既湯
傾左陣計咁啦

琴日睇碟睇到今朝6點幾 終於睇哂啦 嘻 睇到我喊囉 如果有人陪我睇多次就好啦
我覺得呢D戲係應該2個人睇嫁 如果你仲係我身邊既話 你話幾好呢
係某時候我真係好想有個人可以比我攬下 因為自己一個人仲有寂寞既時候
訓到9點就要起身番學啦 死死下咁去刷牙洗面 整完D野就出門口啦 去左搵阿朗食早餐
12點幾就放學啦 同佢地去左新機舖打左陣機 我同阿朗就去行街啦 買左件衫一條褲一條裙
其實仲有好多野想買嫁 但係都係遲D先啦 之後去左食野 食完就去左阿朗到打麻雀啦 佢地去先
我諗住番屋企換左套校服先 點知自己係梳化到訓著左 嘻 仲要訓到成隻豬咁
可能呢排冇好好咁比自己休息 又或者係自己唔肯比自己停落黎 唉. .              
!!!我好想身邊每一個人都得到幸福同快樂!!!