1008*
原來 我係吾會捨得俾你走!
係面對你之前 講好多吾會忍 分手冇所謂
但當面對你 原來我會心軟
其實 我真係好愛你. . .
有時聽人講或者自己感覺
自己係呢段關都係好似處於下風
有咩事 忍 哄 算 好似冇左自己咁
但 對與錯真係咁重要?
如果我堅持呢份執著 我就會失去呢個人 . . .
如果我忍左呢一時 下一刻我仍然可以好幸福
委曲求全 我今日終於明白!
前2日 仲係度吵架 係度冷戰
呢2日 我好似冇左自己 冇左動力 . . .
開戰之後 我冇堅持自己
可能你地覺得我冇用 我軟弱 再係咁會辛苦自己
但係 一停戰 我地好似以前咁 . . .
係你面前 我擁有自己 我擁有幸福!
咁樣 對錯又有咩所謂?
忍一忍又有咩所謂?
如果一份感情 你覺得值得去為佢去委曲求全
咁就去做喇!
吾好為左一d爛鬼自尊同人地既眼光去堅持一d無謂既立場
因為你地既將來 你地既日子 就只有你地
只要你覺得有佢你就會擁有幸福既時候
就吾好去為左堅持而失去幸福!
今次 我真係發覺
當我放開堅持之後 幸福就會返黎我身邊
只係同你一齊先幸福
而呢一種幸福 係旁人無辨法去理解!
一個願打一個願挨既道理 其實係真架!
|
