今日阿岑話頭痛所以落左7仔買藥,但最後都係冇買
結果搞到遲到,施正嘟個仆街係咁叫我地企係度
跟住黃sir問咩事,之後黃sir就話落雨就放佢地走啦
施正嘟當堂冇聲出,頭2堂bio,傾計咁過,之後eng,好乖咁發夢
之後係pe,因為落雨所以只係耍太極...好彩我今日有著pe衫
所以唔係就落雨都要跑圈,lunch衰銘終於加入我地既慳錢行列
食完就返課室,坐番自己個位,舒服~之後我同+2又係度串衰銘
結果衰銘推左+2落黎我個度...之後xx薇叫我拎番隻腳落黎...
lunch之後原本係budd,但法師要準備浴佛,所以搵左何麗萍代
但唔夠幾個字就miss tang代,個堂我幫xx薇作閱讀報告
之後第8堂入hall,我係度訓覺,浴完佛就頒獎,之後抽獎,無聊
放學就同+2利永健返屋企,利永健去左我屋企,坐到6點半先走
期間佢同我講左樣野...就係今日lunch同+2玩個陣,xx薇好似見到我攬住+2
結果原本佢想望過黎,結果黑面咁望番第2邊...呢d野係利永健講既
夜晚佢on...佢居然問我係咪鐘意佢,既然佢知道,我咪答係囉,問佢受唔受囉
可惜...佢唔受呀 又話咩屋企好嚴,又話咩唔想拍拖...
又話咩遇到第2個就追啦 由10點開始講希望令佢回心轉意
講到2點都係同1個結果... 冇希望啦