我今日同左阿宛同埋佢家姐去睇搞鬼甲蟲車，

好搞笑呀，之後仲去左影貼紙相，

影左好多呀，真係開心！

之後我地仲三個人食一碗麵添。

我好開心呀！！！

我仲有一篇閱讀報告同一本英文暑期作業就做完功課啦，

我要快D做完佢，咁我就有得買哈利波特6啦！

我好掛住各位同學呀，你地得閒記住打電話俾我呀，

唔係我會悶死的！

今日同穎桐佢地去燒烤，點知開始起爐，

就開始落微微雨 ，落下落又停左。

因為落雨，搞到D炭濕曬，起左十分鐘先有火，

可以燒野食，點知我燒得一條腸仔，就開始落大雨，

只好走人，羅左D野食上我屋企煎黎食，

之後我地玩大富翁，玩完我地落左吉之島行街街，

佢地仲走左去夢幻世界玩，玩到五點就走lu。

我今日要打針呀！

到我個陣嚇死我呀！！！！

不果最恐怖唔係打針，係食口服劑，

苦到嘔 。食完之後支針一野插落我隻手度，

個護士打完我都唔知，證明真係唔痛架。

打完之後隻手勁痺，都唔知點講好。

我地上課室個時，阿阮暈左，嚇到我半死 ，好彩最後冇事。

今日真係驚嚇的一天！！！！