| «‹ July 2020 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2007 年 9 月 10 日 星期一  |
| 上午好緊張,晚上個人輕鬆左d d啦..... |
分類: 未分類 |
今日早上個人真係好緊張好驚呀!!!真係好擔心蛋卷B呀!驚到個心都彈出黎呀!!!唉...真係差點窒息呀...... 從高院出返黎嘅時刻,個人先鬆返少少......跟住同Pet and蛋卷B mother去食左少少嘢,之後行左陣香港公園就返屋企喇,因為尋晚成晚無瞓過,所以已經崩潰喇.... 返到屋企整呢樣整嗰樣,搞到下午五點先開始瞓.... 瞓唔夠兩個鐘又起身啦....因為要去長洲租番晚度假屋散心吖...今次嘅行程有Lulu啦...仲有Pet啦.... 真係好多謝呢兩位好朋友呀!!!全因今次嘅行程係因為我咋,我知你哋唔想我唔開心唔想我亂諗嘢,但係...有時啲嘢連我自己都控制唔到.... 但真係非常之thank you very much~~o^3^o~~ar!!! 嘻嘻...搭船唔夠半個鐘我已經暈船浪啦.. ....好似一條生猛嘅魚轉眼變成死魚咁呀....我哋到達嘅時候已經差唔多十點啦,即刻租屋先,租完屋去惠康買BBQ嘅食物,跟住我哋去尋覓間度假屋啦,幾經辛苦終於...終於....終於被當地居民主動話俾我哋知道啦 ....入到屋之後,Lulu即刻攞佢袋入面嘅紅酒出黎,仲要係三枝吖 ....呢三枝酒都係Lulu公司嘅陳年舊釀 ....首先Lulu開第一枝酒嘅時候,我真係帶啲期待架....因為未知好唔好飲??...?但係飲左一啖之後...就 ....好..好...好酸ar......之後再開第二枝嘅時候,我哋一齊再飲,今次好過上一枝啦....起碼無咁酸先啦...嘻嘻 ...but都係有少少啦,之後嗰第三枝.....我哋都無開到....點解呢??...?我都唔知道.....可能係我哋大家都覺得第三枝都唔好味啦..... 之後我哋出去租左三套碟啦,最後好彩租到個BBQ爐吖....順利搞掂哂所有嘢~Yeah...Yeah^0^v~~ 今次BBQ係絕對舒服過上次架,因為夜晚無咁熱吖,而且又大風,我哋燒到兩點半左右都已經飽飽哋啦,之後大家都返度假屋沖涼涼嚕,大家沖完涼之後一齊睇租返黎嘅碟喇!睇完一套之後,我哋都瞓喇,因為差唔多天光啦...瞓醒之後我哋再睇第二套喇,睇完之後我哋都趕住走嚕....因為差唔多十二點啦,之後我哋搭船走啦......bye-bye~~~ (其實我喺黎長洲之前至到走嘅時候,我都係咁掛住蛋卷B!從來無變過.....無時無刻!!!)
|
| 2007 年 9 月 9 日 星期日 |
| 尋晚真係好開心ar...>.<...嘻嘻~~ |
分類: 未分類 |
 尋晚真係好多謝您ar..Lulu...當然仲有pet la!!! 我尋晚其實真係想一個人去南ㄚ島散心,但係Lulu話一個女仔好危險,所以Lulu好好人,知道我唔開心,所以諗住陪我去散心,可惜我哋食完dinner已經趕唔到尾班船啦.....
咁我哋就去咗清bar飮酒喇.... 開頭我哋飮紅酒,之後飮雞尾酒....嘻嘻...呢杯火Rainbow就係我叫架...但係我無飮到,俾左Lulu飮,嘻嘻...因為我叫左杯仲掂嘅..^^v.... 尋晚我真係飮得都好多吓,可能係我自己追住飲...想快d醉啦.....其實有少少醉意個感覺真係幾唔錯!!!
不過酒醉始終都有三分醒......唉．．． |
| 2007 年 9 月 6 日 星期四 |
| 又瞓唔着吖....差唔多到10號喇...... |
分類: 未分類 |
差唔多到喇...真係好驚吖......!!!好擔心呀...自己就叫佢唔使驚,唔使怕,唔使諗咁多....但係我根本就好怕呀......點算好呀?!!
唉...有無人可以打救我呀?!! |
| 2007 年 9 月 1 日 星期六 |
| 2007 年 7 月 21 日 星期六 |
| 好掛念...蛋卷B ar~ |
分類: 未分類 |
今日day off...但係成晚眼光光瞓唔到....一瞓喺喥就特別想念小丸b......~好辛苦好難過吖...d艱辛日子幾時先可以過啊...唉...淚水又想湧出嚟喇...我要忍呀強忍落去呀.....我要同自己講...美好日子離我不遠!!!!!!加油加油加油ar......~ |
| 2007 年 7 月 3 日 星期二 |
| 好累ar... |
分類: 未分類 |
今日好早就去睇小丸子蛋卷BB豬....今次等咗好耐ar.. ...不過唔緊要la...最緊要係見到BB豬...唉...不過好熱呢 ...熱死我喇...d汗係咁流...係咁流...真係好似啱啱沖完涼d水珠ar..=.="....真係乜粧都溶囉......見完BB豬就諗住去IVE報名la...點知明明約好咗嘅Friend又放飛機,次次都係咁,放飛機唔係問題,個問題係次次放飛機都唔會打個電話通知聲,搞到我又白等兼又打咁多次電話俾佢都又唔聽...唉...搞到我臨急打電話俾第二個Friend出黎叫佢帶我去IVE報名...點知連門口都未入...個Friend就趕住番工喇...搞到要自己一個人行入去兼走...因為唔識路所以有d驚 ....去到嘅時候....唉..唉...唉....原來已經過咗報名期...而家只係接受網上申請 ...但係我又唔識喔...咁點算好ar ...wa..wa...而且我成績又唔好,咁又點會收我啊.....咁之後就離開咗間IVE......去書局喇..因為之前見BB豬嘅時候,佢話想睇小說,咁我就去搵la...今次雖然係無上次揀書揀咁耐,但係我都係揀得好似好耐咁...因為個人揀到好累吖 ~~ 上次買嗰本小說書名叫"因為你-幸福近在一厘米",今次買嘅呢本小說書名係"親愛的老婆",keke啱哂BB豬睇la...其實我都有睇到少少內容,我覺得都ok吖~唔錯架~~嘻嘻 ~~ 但係返到屋企之後...隻腳就痛到死咁滯.... |
2007 年 6 月 30 日 星期六  |
| 個人好亂...好傷心...好煩......仲有太多太多太多la...... |
分類: 未分類 |
呢一刻我真係好傷心....好憎恨自己點解會有d咁嘅性格...... 點解做親乜嘢都半途而廢! 點解我要咁怕事又怕羞呀!! 成世人都係咁!!! 我真係好憎自己呀!!!!!!好恨啊~!!!!!! HURT SO BAD |
| 2007 年 6 月 28 日 星期四 |
| 王子愛灰姑娘甚麼? |
分類: 未分類 |
王子愛灰姑娘甚麼?
最欣賞灰姑娘樸實無華的其實只有童話故事裡的
那位神仙和童話故事外的讀者,
王子並不是因為見到灰姑娘做家務時蓬頭垢面而愛上她
令他一見鐘情的還是穿著華衣美服的灰姑娘...... |
| 2007 年 6 月 26 日 星期二 |
« | 1 | 2 | 3 | 4 | 5 | 6 | 7 | 8 | 9 |
|
|