巴哈拉洛斯 - 戰:攻擊城堡
「發射！！」
一聲令下，大量既黑火哈就好似骨牌一樣倒下
「黑火哈既殺手啊，衝啊！！！」
「刀梯啊！小心！」
「弓兵，Ａ陣形」
好似一個箭頭既弓兵慢慢向前推進，一邊行一邊射箭
「嗖」「嗖」「嗖」「嗖」「嗖」「嗖」「嗖」
德洛斯係城牆上面既士兵都一個一個咁訓低，大家既力量都不相伯仲，
「士兵，登上城牆！」
刀梯既成名係因為係梯既兩邊都加上左可以手動既刀，只要係最底轉動輪就可以令刀係咁轉，殺死敵人
當然，德洛斯都唔豬得曬，佢地識得用打斜４５度既矛指出去，希望有用
但係黑火哈係巴哈拉洛斯入面智慧數一數二既既生物，整刀梯出黎就係為左呢個時候
「弊！佢地既刀斬碎曬我地既矛啊！」
「登城啦士兵，殺死德洛斯！！哈哈哈哈哈！殺啊！殺啊」
「大人！！城門啊！」
一班手持鐵鎚既噩夢者慢慢咁行向城門，一副目中無人既樣子，好似打不死一樣
「弓箭手，射低佢地啊！！！！」
既使身上面插左幾十箭，噩夢者都好似冇事一樣
前文提過點樣操縱噩夢者，佢地依家係由黑火哈係體內操縱，中箭既時候，黑火哈可以唔接上神經，令自己唔痛，同時因為操縱者係黑火哈，就算噩夢者冇手冇腳，冇埋個頭，之要入面既黑火哈冇死，噩夢者都可以打，德洛斯唔知呢個秘密，當然無知咁係咁打噩夢者
「攞多光螢比我地既靈鎖黎！仲有，叫個班人同拎個樣野出黎啦！」
「係！」
一打開鐵門，就見到數十隻大口毛翼虎
「虎隊，當敵人入到黎既時候，你地就衝上去咬死佢地啦！」
「係！」
「黎啦！黎啦！哈哈哈，你班死巨人，等我地一野咬死你地啦！」
「砰！砰！砰！」
噩夢者向城門一下又一下既重擊鼙，傳達整個地堡
德洛斯企係門後面，阻擋佢地衢入黎
但係每一次打擊，都會被推開３步
「小心啊，唔可以比到佢地入黎架，保護好城門！！」
