經過可怡３番４次ｏ既提醒．我終於都多左ｕｐｄａｔｅ個日記啦．

哩幾日病到我９彩．個人都提唔起精神．

我發覺琪琪ｄ野真係好難學．佢真係好叻呀．

今日我同琪琪講：ｄ野好難呀．點算呀？

佢回覆我話：你唔係咁快就想放棄呀？

我用左３年時間先有依家咁熟．依家只係１個月度就想放棄？

我都要俾多ｄ心機學先得．哩條路係我自己揀ｏ既．

我絕對絕對唔可以咁易就放棄．（當日ｏ既我又返黎啦！）

肥姐講左１樣野．我地每個人都要學．都要領悟ｏ既．

佢話："條路係你自己揀ｏ既．就唔可以咁輕易放棄．

當日係你鍾意先揀嘛．既然係鍾意．咁就要俾心機去做．

機會可能就只有１次．如果你失敗左１次．下次就未必再有你份．"

我覺得佢講得真係好岩．我都要好努力去做．

琪琪咁俾心機教我．我都唔可以再心散啦．

雖然我唔係最叻ｏ既人．但係我都唔希望自己係１個懶惰ｏ既人．