嘩！好似好耐都無返過ｏｖｅｒｎｉｔｅ啦，好彩返８點ｏ者．

不過我都１１點幾就起左身啦．我首先去左慈雲山先．

哈哈．．．我又去進攻２％啦，琴日我同ｂａｂａ＆ｍａｍａ１齊．

無用太多時間真真正正咁睇衫．今日我要努力應戰．

哈哈．．．皇天不負有心人．我都買到１件衫．ｙｅａｈ！！

之後我就返荷里活攞相．勁多靚相呀．．不過都係前晚ｏ個ｄ相咋．

睇返ｄ相．真係好開心呀ｏ個晚．唔知下次係幾時呢？

之後６點鐘．我又出門口啦．落到ＭＴＲ站．臭嘉打電話黎．

好彩睇１睇清楚．係視像通話喎．佢地ｏ係鋪頭應該真係悶得滯．

不過得我睇到佢地．佢地見唔到我架．我巴士站實在太黑啦！

今晚返工真係好他條．正呀！仲可以同打穎１齊收工添！！！

今日俾左ｄ相豬頭睇．佢話我靚左多好．又話我上鏡靚過真人．

不過佢點講都好．無論上鏡又好．真人又好．ｏ個個都係我啦．

唔知阿穎幾時先開心返呢？如果喊左出黎會舒服ｄ．就大喊出黎喇！

好想佢變返之前開心ｏ個個佢呀．唔想見到佢唔開心都要笑個樣呀．

今日我攞左１日假．不過真係要好好咁抖抖ｏ既．

１訓就訓到１１點幾啦．ｏ係屋企又百無聊賴．

於是我終於都去曬返ｄ相啦．１曬就曬左百幾張相．超多呀．

夜晚我就同左ｂａｂａ＆ｍａｍａ去慈雲山食飯．

食左大閘蟹．你地唔好笑我呀．今次係我第１次食咋！

不過咪又係普通蟹１隻．車．．．！下次自己炒蟹好過∼

原來依家慈雲山中心同之前好唔同啦．有２％喎．

我即刻入去ｓｈｏｐｐｉｎｇ啦．因為依家８０％ｏｆｆ嘛．

我買左１條褲．原價＄３６９．我用左＄７４就帶走左佢啦．

俾＄ｏ個時．有個男人買左１３件衫褲．都係用左＄７ｘｘ咋！！

即係１件都唔使＄７０．真係抵呀！不過都唔係件件睇得上ｏ者∼

今日８點幾就起左身．原本今日約左阿穎出去行下．

佢話想買個袋．不過我見佢１２點幾都未有電話黎．

我就自己出左去．ｏ係屋企得我自己１個實在太無聊啦∼∼∼

落到ＭＴＲ站．例遲就打黎話佢放學．點解唔約早Ｄ？

咁我地２個就ｏ係出面食住野等佢地啦．食完野無幾耐．阿穎都到啦．

本身今日我地打算去ｄ　ｃａｆｅ度傾下計．玩下．

之後我地又無啦啦走左去唱ｋ．３個人唱ｋ實在太好．唔使爭咪．

６點幾．我地就去同阿榮＆阿富會合．就出發去尖咀ｌｕ．

出到去都仲早．ｄ人都未黎齊．原來我地有２０個人食哩餐退休宴．

我地去到食左１陣野．我同阿堯靈機１觸．我ｏ地ｏ係門口ｏ個度映相．

叫左佢地１齊映．勁正！玩得超開心呀．好耐都未試過．

而且ｄ相仲要係靚ｏ既先正ｗｏｒ！！！呵呵！！！

總之我地今日映左勁多相啦．食完Ｂｕｆｆｅｔ．

我地又去左海旁行．行下行下．有個伯伯叫我地幫佢買花．

我見佢咁夜都仲ｏ係度賣．我就幫佢買左３枝花．

不過今日真係實在太攰啦．返到去好快就訓左啦∼∼

ｏ係度．祝賓佬退左休之後開開心心．健健康康咁就好啦！！！

今日買返１枝香水．係１隻我好鍾意ｏ既味道．

我之前都有哩枝香水ｇａ．可惜１年前俾我阿哥打爛左！

無出１排，依家又出現啦．個名叫做ｉｓｍｅｎｅ．

哩個味好難形容係咩味．唔係花香．都唔係果香．

好雪條捧ｏ既味呀．可能係你地唔明啦．

我感覺到係哩個味．我ｏ的幻想力太勁啦！

唔知幾時先會出現１個真心明白我ｏ既人呢？

琴晚都唔係玩得太夜ｏ者．不過我真係幾鍾意琴晚ｏ個個地方．

下年ｏ既生日，我都想ｏ係哩度搞ｐａｒｔｙ．

今朝１起身，其實都唔係今朝啦．都成２點幾啦．

打左個電話俾阿穎，佢都未起身呀．之後我同佢講２點啦．

佢就啦啦臨起身啦．不過又係喎．唔係今晚真係唔使訓啦．

之後我收到阿榮個ｓｍｓ．佢話佢條頸無啦啦有唇膏印．超正！

不過當然唔關我同阿穎事啦．哈哈．．．真搞笑．我諗佢開心ｏ既．．．

琴晚我同阿米走．阿穎佢地都未走．之後阿穎話佢地都醉晒．

即係話我早走哩個決定係無錯ｏ既．如果唔係我都醉埋．我肯定呀！！

今晚我留左ｏ係屋企食．不過估唔到連阿哥都返埋黎喎．

好似好耐都未試過咁齊人食飯．無人脾氣呀．好開心呀．

我同阿哥仲一齊睇歲月風雲添．．．今晚真係ｈａｐｐｙ啦．．．