20090828`
上2個禮拜牙爸幫我張床換床單落番黎既時後,
因為失左重心所以就跌左落黎.
牙爸頭落地先所以就個頭穿左,同埋隻手腫左,
之後就即刻去左瑪麗醫院到睇下點,
結果吾洗住院但系包住左手同頭;
以為1個禮拜後就好番啦`點知1個禮拜之後覺得麻痺同痛,
個醫生無端端又打黎話要牙爸去醫院.就發現左手有舊骨移左位.要做手術,
跟住我地夜晚探佢個陣,我地好奇怪點解甘遲先發現啦.
牙爸話因為急症個邊個個醫生吾夠經驗.
所以當其時發現吾到呢樣野.
其實如果個日個醫生知道既話就可以即時托番好舊骨.
就可以吾洗做手術啦.所以今次系瑪麗失職咯,
跟住因為牙爸對瑪麗好無信心所以就離開左無做手術.
牙爸個fd就帶左牙爸去睇跌打.
個跌打佬既說話好似倒轉左甘話吾嚴重.
只要包住佢過多一排就得架啦啵.
第2日牙爸就約左個做醫既fd去睇下點啦.
結果都要去做手術.今次就去養和留醫;
夜晚我地又去探病啦,發現個到勁豪華.
有得睇電視又有得上網.
甘橋訓窗邊望到成個跑馬地既風景.最重要系落地玻璃牙!!
第3日我系屋企收到牙爸電話話吾洗住院啦;D
但系番到黎隻手又系紮左重要系硬好多.
再下個禮拜牙爸就要打石膏.一打就要打2個月.
前前後後都要3個月隻手先好番vov`
希望牙爸快D好番啦;)可以陪我游水同游乾水xd