嗚嗚嗚......好慘呀......

今日我地中一級既學生去太空館睇一齣戲..叫做驚天動地....

咁我地上車出發..點知第一層得番一個位..

咁我地仲有三個人(包括我)仲未有位坐..

果個位唔單只前後左右都係男仔...

連附近都係好多男仔..

咁有一個唔知叫咩啊sir叫我坐果個位..

跟住我同佢講：「你叫我坐呢個位呀？？」

跟住個啊sir話：「係呀..」

之後坐之前轉個頭細細聲講：「你老母呀..仆街啦你!!!」

跟住我坐低左o係度狂「啤」佢..

果時我勁想喊..不過係眼濕濕.冇喊出黎...

之後區家浩話：「你有艷福啦..!!」我話：「食屎啦你..!!」

果時我勁唔開心喎..落車既時候「錶」左三滴眼淚出黎..唉

睇既時候好好玩呀..要訓低黎完..因為個畫面係天花板到..

不過睇得好辛苦呀..又無聊喎..睇睇下訓左覺...勁無奈喎...

返黎果時好好彩唔洗跟返上車咁坐..唔係我實罵果個啊sir...

搭車既時候係度玩「打手板」..搞到我隻手紅鬼晒....

其實我發覺我自己都幾情緒化架!!!

唔開心就會好嬲..又會喊..就算岩岩之前有幾唔開心..

如果遇到一D開心既事都會笑返架..!!!