變左..  今日開始所有既都變左..
我既心仍然係原處..  而他一切都變左.. 
從前的..  所有的..  .. 全都漸漸減少..
我好掛住你..  我今日真系好掛住你..

今日我2隻腳  又紅又腫又癢..
我諗應該係發炎再加細菌感染...  行路都痛.. 

今日年三十... 
第一次沒新年氣氛 
第一次係今日哩個日子到喊...
第一次係今日心情會咁傷心..

 今天下午4點多..  我去找了啊梅... 
跟他聊了一下子  又買了點東西..
之後去找啊文同業業..  他們在m記門口等我一齊去吃東西!
業業他電了頭髮..  好爆的.. 
吃東西的時候  業業跟我說
梅梅發信息跟他說了一些東西..
我聽了覺得好無奈的!...
不過都覺得好笑...
梅梅怎麼這樣想呀~  並不是你想的這樣的呀..

吃完了之後  大家都走了
文開始不理我..  我自己坐車去找他哥哥幫他弄一些東西!
去到坐了一下..  我就走了

今天真的好不開心...  好怕自己一個人
腳又痛..  出到來沒人理我!
自己一個人傻傻地走來走去!
好想哭好想走..

 今日好凍呀~~~  成個下午我都係系屋企!
跟住5點幾6點去啊森屋企打邊爐~
打緊一半個時啊king又來左  又買左d野食上來~
打到10點幾就走lu~
係車站個時又大風又凍!  !
跟住mandy要上車個陣  啊森好man咁脫左件外套俾mandy著~
哈哈~  哩d男人我諗都就快絕種~ 
我諗起同文仔岩岩拍拖個時~
係我記憶有2次~  都係天氣好凍
佢把佢既西裝外套俾我著~  當時我覺得好warm
依家見到啊森咁樣  又諗返以前..
以前好多哩d好warm既事..  大大個好似沒咩驚喜咁...

 今日我同個fd去左又一城溜冰..
我個朋友第一次來都趺左2次..  都算勁嫁啦
哈哈~  我地2個係咁轉圈圈~ 
好多細佬仔呀..  跟住5點幾6點就多學生~
我見到d細佬仔跌低左又起返身..
起左身仲可以嘻嘻哈哈..  沒事發生過咁
反而我就因為好驚跌..  真係好驚,, 
所以我就算第一次來都唔敢點樣..
好似自己做人既道理  所以我唔想跌
因為一但跌左  我驚自己唔敢起都沒無能力起...
之後又去吃飯~  吃完飯  朋友又陪我去深水涉搵家姐佢地..
同家姐佢地去砌電腦~  呵呵~  我相信第日自己個電腦一定好正
因為我要既全都係黑色~  好開心呀!  嘻嘻~

 今日本來話打電話俾文仔既. 可惜我又講錯野令到佢好惱...
我都唔知自己做咩..  成日好似特等整到佢惱咁!
系我今日唔舒服定係我驚個種感覺變左?
真係好對唔住..  我真系唔知可以點!
不過無論點 我個心都係得你一個..
相信我..  相信我既一切..

 今日早上約左啊秋同啊king去唱k   
去到門口啊king仲未到    所以我同秋秋2個就入去唱住先~
發現Green Box  D歌都比較新.. 
富豪個間Neway就好舊!  唔知係唔係因為裝修完既關係..
唱唱下KING黎左  3個一齊唱
我同啊KING就好大膽唱~ 
King仲唱到企左起身唱~  好似好過癮咁~  呵呵
啊秋就好似蚊咁細聲!   好似聽唔到佢把聲咁..

唱完k之後我地3個去左打機.. 
我玩左好多Game!  好正呀!!!
玩個個拳王個時  超正!  因為我對住個機自己打  好過癮!!
  不過之後有人挑機~  狂輸/...  
跟住又玩左個個手動既跳舞機~  都OK啦~

跟住秋秋約左曾慶洲出黎..  咁啊King唯有返屋企..
我地3個係咁行..  話等埋啊澤出黎去飲野.. 
點知佢又因為做份會考既功課搞到遲...
所以我地3個去吃先~
佢地話第日出黎社會做野個時就想搬出黎住  仲叫埋我..
仲話供我讀書  我聽左之後好感動呀!
我咁聽到都知道佢地有心既..  因為前1年都有叫我等
話一定會做到~  我都好開心 !! 
不過第日出黎做野之後好多野都唔同嫁啦..
但係我聽左都幾感動既! 

 何韻詩 - 木紋

今日同以前Ｄ同學出左去吃飯
有9個人~  有3個女 6個男既!~
不過都好唔好意思囉..  
約左佢地我竟然係最後一個到..
仲要係遲左好多..  搞到我勁樣衰!

之後我地出左旺角吃飯..
去左吃個d好似日本野既食物..
都幾抵既..50任食!!
吃左3個幾鍾..  吃完我地係到打鋤大D!
我係咁勁輸!!  不過好彩佢地最後都唔計錢~
吃完飯去左影相..
之後返沙田飲野..  傾左一陣大家就返屋企.~~

 今日約左啊森 啊光  啊秋同埋佢地d女朋友吃飯
不過我地先係沙田等多陣~  因為啊光佢10點先黎到~
我地周圍行~  又影左d相  ~ 
好中意個幾張相呀!  呵呵!

今日都幾開心既