尋日很難得地我地可以5個人~cathy,wing,janice,joice&me一齊去唱k!我地真係玩得好開心呀!仲拍左好多短片,咁亦都算為我地留低一d美好ge回憶!等我地第日都可以慢慢回味呀嘛!

      但係過左今次,我地都唔知幾時咁人齊可以再聚首一堂,因為Wing要去第間學校讀中六,咁我地就唔可以日日一齊吃飯,一齊開心啦!無左你係度,我諗我地大家都會有d失落,因為我覺得我地就好似一家人咁!

      Wing,我真係唔捨得你呀!你仲記唔記得我地第一次相遇呀?可能個時已經註定左我地ge緣份,你可以算係我第一個朋友,亦都係我認識最耐ge朋友!我最記得係F.1個年,日日放學之後同你一齊行番屋企,而你每次都會陪我等到車先走,個陣我真係覺得好開心架!就係係個時我就認定左你係我ge好朋友,其實個時我更加想你做我ge姐姐!

      雖然我地分開左,希望你都唔好忘記我地啦!我地幾個要做一輩子ge好朋友,好知己,好嗎?

有陣時我真係覺得自己好幼稚

好似仲係一個未長大ge細路咁

包括我ge行為&思想

行街見到得意ge玩具我仲係好想買黎玩,滿足一下

食飯我要.......瞓覺我要......

好多仲係細路仔ge行為

雖然好多時我比人大

但往往都要人地保護番我轉後

真係有d慚愧

我諗可能我真係太無膽啦

好多野都驚,唔敢去試

講到底我仲係一個要人氹,要人照顧ge小妹妹

究竟我幾時先會真係長大呀?

       我終於係度開多個blog啦!咁你地以後留言就唔使咁麻煩啦!記得多d留言啦bow!!