當每次有唔開心嘅事發生,

我都覺得自己好慘,會問自

己點解永遠d唔開心嘅事會

發生係我身上..............

之後我嘅情緒就會去到灰色

位..........係呢個時候我就

會好想打比大衛...之後就會

喊........而佢就會不斷講一

d安慰嘅說話...多數我都聽唔

入耳........不過今次....佢講

中左我....好記得佢今日講...

" 唔好當每次唔開心嘅時候...

  都當左自己係悲劇中嘅主角.

  唔使放大個問題去睇........"

今次我聽得入耳....仲會記係心.

因為網上full booking,

所以我係冇預約嘅情況下

走去博一博...唔明點解會

full booking囉,...都唔多人.

去到填完表,好快就入去影相

同做指摸......我打左勁多個

指摸都唔得囉,個職員開始有

d嫌我麻煩...之後有個著住制

服嘅阿sir行左過尼...........

個刻我好驚佢以為我係非法入境,

之後再到影相.....我起碼影左4,5

次以上囉,仲要冇一張ok..........

個職員開始有面色,而我都勁唔好

意思.....最後影完....個阿sir勁好

人...叫我唔使唔好意思...........

今日成個過程有小小錯漏百出嘅feel.

之前因為擔心新髮型唔好睇....所以諗

住影左id先去攪.......點知影左咁多張

都唔好睇....好唔開心囉......反而個新

髮型應該影出尼好睇d.........

6月20就可以睇到我張"on 9 樣" id card.

昨天去左買禮物比阿A,

順便比左個機會自己...

終於擁有啦,hee hee!!

雖然唔係大size,but我

都好like. 個sales話大

size得好小嫁咋.......

so我都放棄左大,要細.

考慮左好耐嫁啦......

終於得手啦---------–西木

呢幾日係公司實在太悶,

悶到發荒.....

所以我呢幾日重睇左一本

小說,比自己打發下d時間.

係張小嫻嘅"我在雲上愛你"

我覺得真係好好睇......

睇第一次..係車廂度睇到喊,

第二次一樣咁感動...係公司,

個刻我好驚突然衝個客入尼,

見我眼濕濕,都唔知比咩反應我好.

呢本書係我第一本買嘅小說....

暫時都係唯一一本,其他都係人地借

比我睇.......可能係我第一本小說..

所以我覺得特別好睇"掛".......

買呢本書嘅原因....係一次我喺地鐵

d廣告板睇到呢本書嘅封面..........

之後我就覺得會好好睇.....純粹感覺,

我地呢D膚淺少女都係鍾意睇愛情小說

最後我叫左Karan幫我買.....

之後我就開始鍾意睇小說......

以前嘅我係連漫畫都小睇的...

其實可能係有小小比Karan影響.

前幾日,我好留心咁聽左Eason"最佳損友",

聽左好幾次.......唔知你有冇試過.........

曾經擁有一位好朋友...又或者大家經常混

在一起嘅朋友......交心過.....當佢係知己,

不過當大家開始長大,身邊嘅環境有所改變,

因而少左聯絡......再演變成冇聯絡........

但腦海偶然又會出現一d同佢嘅片段.......

卻因為太耐冇搵...所以冇勇氣再去聯絡呢個朋友.

我覺得如果身邊能夠有個可以係自己開心..

唔開心....發悶....無聊....任何時候........

都可以打到比佢吹水...閒聊...嘅朋友......

其實係一件值得珍惜同開心嘅事............

"朋友 我當你一世朋友......................."