琴晚４點幾先訓∼差少少通頂＝＝”

岩岩比朋友問左個問題之後∼都唔知點答佢∼

本來好多野寫係度∼但係唔想比果個朋友睇到∼又唔想ｓｅｔ密碼喎∼

咁今日就咁多啦∼

我好想自己冇左感情呢樣野囉！！！好想呀！！！！

唉∼勁唔開心呀∼＞＜！！！！！！！

前日阿Ｊａｃｋ同我講話阿ｋｗａｎ同佢講我成日煩住佢∼

我好開心阿Ｊａｃｋ同我講囉∼但係我唔開心既係阿ｋｗａｎ點解唔直接同我講囉∼

我都希望佢當我朋友∼有咩可以直接同我講∼

屋企係前排發生左ｄ事∼我諗都有ｄ人知道嫁ｌａ∼

我覺得而家呢個屋企得返我同細佬囉！！

呢幾排係屋企真係悶到唔知自己想點∼有時心裡面會有一種唔舒服既感覺∼唉！！

呢幾日唔知點解突然想睇下自己星座同身邊朋友星座既性格∼

原來我同阿ｋｗａｎ大家既星座係對立嫁∼唔知咁樣會唔會太迷信呢∼嘻嘻∼

但係我真係已經當左佢係我既好朋友∼我亦都唔想做一個咩都唔識∼

淨係識得係屋企煩ｄ朋友既人∼

唉∼仲有兩本書未買ｔｉｍ∼究竟地理幾時出嫁∼

成日都話未出版∼暑作又未做過∼唉∼都係差唔多時候做∼再遲ｄ驚做唔哂呀∼

差唔多星期五或者星期六開始∼應該做得哂∼

悶爆∼仲未攪身份證∼ｐｋ＝＝點算好！？

好多野做呀∼唔夠時間用ｔｉｍ∼＝＝”

今朝８點幾起左身∼諗返起一ｄ野∼

首先係度再祝阿Ｊａｃｋ生日快樂先∼（雖然已經過左２０號＝＝”）

唔知點解∼我今日心情勁唔好∼係因為ｄ咩呢∼連我自己都唔係幾清楚∼

我今日成日都冇出過街∼就係係度諗∼我究竟做咩事呀∼

點解我會咁火爆先∼成日唔開心就發人睥氣∼

唔好見我平時係你地面前笑笑口咁∼我煩既野好多嫁∼

不過我唔鐘意同其他人講∼我係唔鐘意人地安慰我∼

我自己成日都係咁嫁∼人地一安慰我∼我心入面就諗你而家係未睇死我∼

認為我係弱者果ｄ先∼我係勁唔鐘意囉∼

我又要煩學校∼下兩年就考會考ｌａ∼又要溫書∼冇時間做其他野∼

煩完ｌａ∼又要諗下點解我ｄ朋友會同其他人私底下講我壞話∼唔直接講出黎∼

好∼處理完ｌａ又∼仲要煩埋屋企果ｄ野∼屋企日日都得返我一個咁∼

呢排全家人返哂大陸∼得返我一個∼咁點呢而家∼下！！

我仲要係上面咁多件事入面∼一件都未有方法可以解決到喎∼

有時真係諗∼點解細個同而家分別可以咁大嫁呢∼

到左而家心情仲係好煩悶∼我真係希望自己可以開心返∼

但我真係做唔到囉∼而家諗返以前∼

做左勁多任性既事∼真係覺得好對唔住果ｄ人囉∼

係悉尼成日同阿Ｊａｃｋ仲有阿包嘈交∼嘈完之後

真係勁唔開心囉∼但係好彩佢地兩個唔介意咋∼而家諗返起都覺得對佢地唔住∼

返到黎香港∼覺得自己煩左好多呀∼一日比一日煩∼

我仲要煩到ｄ朋友喎∼真係好抵死囉我∼

成日冇野做就ｈｉ人地∼好白痴囉∼如果有個朋友咁同我講∼

你冇野做之ｍａ∼人地有嫁∼煩住哂∼反而會開心ｄ囉我∼

當然係我煩住佢∼而佢有野做緊果時講啦∼

今年成績又差左ｌａ∼我覺得而家我連係樂道都不如囉∼

咁樣講唔係話樂道唔好∼

我真係好希望自己∼係全港中學生入面唔洗排咁後囉∼

我好開心而家有呢排朋友∼最少∼佢地令到我有多ｄ安全感∼

唔會令到我覺得自己得返一個∼亦都令到我覺得自己生存係呢個世界上面∼

有咩得罪過大家∼希望唔好介意∼

Ｓｏｒｒｙ∼我只可以講既係對唔住

（中文道歉難好多嫁＞ｖ＜講下笑∼

　我唔希望有人睇完呢篇日記∼唔開

　心囉∼我知嫁∼＊ｖ＊）

今朝７點幾起左身∼因為今日要返教聯會做野∼

大約９點３５就返到去ｌａ∼我見到ｓｕｋｉ同埋＝＝一個傻佬∼

最早返係我地３個∼之後大約等左一陣∼見到阿Ｊ同阿欣都返埋黎∼

阿哥都黎左∼之後聽佢地講∼Ｈｉｎｙａｕ今日唔黎得∼

之後大家開始做野∼＝＝”阿哥就．．．．．．

用左大約２粒鐘做完啦∼大家都玩到忘哂形∼唔記得左走∼幾開心＞ｖ＜

做完之後∼阿哥同埋王子班人落左去打機∼我就同阿郭傾計∼等埋Ｓｔａｎｌｅｙ去食飯∼

到左１點左右∼Ｓｔａｎｌｅｙ終於放ｌａ∼行得∼

去左間茶餐廳度食∼叫左個豆腐火腩飯食∼都ｏｋ既∼唔算差啦＠＠

之後返上教聯會∼見到去墨爾本既果ｄ人∼真係ｏ哂∼個個都勁細！！

Ｓｔａｎｌｅｙ俾左間房我地∼我地係入面上網聽歌∼玩ｇａｍｅ∼讚！！

之後去左接阿哥條女∼跟住同阿哥佢地分開走∼佢同條女返屋企先∼

我地去左新之城度打機∼晚ｄ先上佢度∼

跟住同王子佢地落左去打機∼逗留左一陣∼

去左阿欣屋企∼見到阿哥同佢條女∼仲有伯母∼

請我地飲野飲同食雪糕∼我地３個男仔唔食雪糕∼我本身唔想食∼

唔知王子同阿ｋｅｎ係未怕羞＝ｖ＝

跟住５點幾阿ｋｅｎ返屋企拿生日禮物∼阿欣去練琴∼

我地其餘呢ｄ就去接Ｓｔａｎｌｅｙ放工＞ｖ＜

上到去教聯∼５點半∼係果度玩左一陣∼就走∼

臨走果時Ｓｔａｎｌｅｙ唔記得打卡∼幾攪野∼

跟住去地鐵站搭去觀塘度食野∼阿ｋｅｎ就直接去觀塘等∼阿Ｊａｃｋ就遲到∼

去到一間叫做好味王既打邊爐酒家度食∼幾好丫∼

當差唔多時候果陣∼阿Ｊａｃｋ同阿欣去拿生日蛋糕出黎∼之後拆禮物時間∼

我地送左三份禮物∼阿Ｊａｃｋ一份∼其餘果兩份全部人一齊送既∼

分別係睡衣同一條超美麗既內褲∼阿Ｊａｃｋ就送左相架∼下年就．．．．．．嘻嘻∼

之後大家去左九龍灣度影貼紙相勁攪野＞ｖ＜

我影左３次∼全部人一齊影就２次∼淨係樂道ｄ人影就１次∼

第二次最攪野個個迫哂入一部鬼屋既貼紙相機度∼

果部機勁攪野分上面同下面影∼但係唔洗全部人郁哂嫁喎∼

但係後面ｄ人見到前面ｄ人郁∼就跟住郁∼勁攪野∼

跟住大約十一點五十散∼勁開心∼

返到荃灣∼岩岩搭到尾班車∼嚇到我丫∼返到屋企∼１２：５０

Ｐ．Ｓ：阿Ｊａｃｋ∼祝你生日快樂

　　　　（２０／８／１９９０）

唉∼今日唔知點解悶到咩咁∼

下午１點幾出左街行下∼去左買碟睇∼＜＜球愛可人兒＞＞

之前想睇∼點知唔記得左∼而家買返黎睇先∼

之後行左一陣去左∼睇３３同鞋鞋∼

因為冇幾耐之前買左鞋鞋ｌｕ∼費事再買啦∼

買黎擺咩唔通！？＝＝”

跟住未去睇下ｄ∼３３囉∼

都ｏｋ嫁∼買左兩件∼＝＝”跟住被人（我細佬）拉左去睇戲∼

套戲都ｏｋ既∼想知咩戲？？唔講你聽∼自己估啦＾＾~

跟住行多左陣∼就返左屋企ｌｕ∼本來想睇下仲有冇野買既∼

不過費事啦∼費事遲ｄ冇錢洗呀∼

遲下又會多出ｄ開支＝＝”唉∼

會唔會變乞丐嫁？？＠ｏ＠”

想睇毒蛇嚇機∼我最驚既動物就係佢ｌａ∼但係又想睇喎＝ｖ＝”

Ｐ．Ｓ：我希望我既朋友能夠永遠記得我！！

　　　　我亦都希望自己能夠永永遠遠咁記得佢地＞ｖ＜！！