第二日訓醒梳洗完之後，就去食早餐三地義工雖然冇乜點訓過，但佢地個個都精神奕奕^^"今日除左係交流團香港站既後一日之外，都係Eirc上飛機返澳洲既日子，Kinki妹子同Joyce姐姐就漏夜摺左一束紙花，係食早餐既時候送比Eirc。
       食完野就收拾行裝準備去做服務，今次我地去華山村探訪農戶，好近我屋企呢，好想返去訓陣先^^"去到之後同大家姐傾左一陣，我地就落田鋤泥，我第一次耕田非常好玩，不過耕田原來好累架呢^^"
       耕完田就車埋第二組落大埔飲茶，我地開左六圍十幾人既大枱，非常熱鬧好似去飲咁^^"跟住就頒獎，我地第一組都得到獎呢~~~開心
       食完就帶中山同澳門義工去行街，原本相約好尋晚傾偈既一班人一齊行街，點知大會要分返開行=.="咁我就同澳門既行，我同丫生就做左導遊，團友有小苑子啦、+C啦、仲有A兄、B兄、C小姐(對不起！唔記得左你地個名)我地周圍行去買野，+C佢買左好多野呢，我地仲去左食甜，食甜途中發生件好恐怖既野，有人食自己呀！邊個我唔講喇！睇完佢一定會同我講^^"跟住話咁快就到左我地分既時間，原本會陪埋佢地去埋碼頭，但係Sunny哥哥唔係度，為有唔去啦!!只好同苑子講陪唔到你地去碼頭，苑子聽完之後就扁咀(鴨咀獸!?)目送佢地離開後，今之交流就結束~~~整個交流非常好玩、開心同學到唔少野，仲識左好多人~~~~

        好開心呢^^一連兩日去左camp，話就話去camp其實去做左d好有意義既野，話到明義工交流團緊係去做義工服務啦!!而我啦、Kinki啦、丫生啦同Eirc，除左係參加者之外仲有個秘密身份，個身份遲d講你知^^
        第一日我地先去到包美達等埋澳門同中山既義工朋友，之後一行八十幾人就落左去球場玩game，玩完game之後就去左禮堂到影大合照，跟住就上返去食飯，唔知係唔係個個都好興奮，好似冇咩食慾，食剩好多野食........好浪費呢=.="
        食過飯後，我地就分組準備做服務喇!分左組之後我地一行二十幾人就上左去六樓既老人宿舍，一講到間宿舍就真係勁喇!間間房都係套房，一人至到六人套房都有!!最低消費好平架咋!一個月齋訓冇窗口位六人套房床位一個包普通護理只係七千蚊咋!你話係唔係低到爛呢!!當然價錢有返咁上下就緊係有返咁上下質數，絕對比到老友記一個五星級的宿舍。
        聽完宿舍職員講解之後，我地就開始進行我地既服務，我地準備一d好簡單既遊戲和手工同老友記一齊玩，我地同d老友記都玩得好開心，大約四點半我地就完成第一日既服務。跟住就坐車去接埋第二組一齊入營，而曹公潭戶外康樂中心就係我地今晚休息既地方。
        到達營地後，我地係飯堂聽一輪講話後就分房，一間房可以訓十個人，我間房除左有丫生、丫山、Eirc同Jason外，仲有來自其他中心既香港男義工朋友，可以話好有男人味呢^^"放低行裝後我地第一組就召開第一次小組會議，因為陣間係晚會上我地各組都要會報自己組今日做既服務同有d咩感想，仲要用第二d方法去會報，仲要唔知點解我做左主席呢=.="最後經過各組員用半個鐘頭既激烈論終於得出結論：我地採用左互動話劇+組裡面中山、澳門同香港既代表做總結既形式黎會報，開完會就到食飯時間。食完飯就接住落到晚會時間，我地四組用抽籤方式黎決定先後，除左我個組之外，第二同第三組都係演話劇，第四組就用卜卜齋去會報，四組都做得非常好，尤其是第二組個話劇做得好神似真係觀察入微呀!!當然我地第一組都得唔錯，不過做唔我想得到既效果/.\唔緊要次再黎過。會報完之後我地就一齊唱歌、跳舞，人生既第一次跳舞就比左交流團^^"跳完舞三地義工就互相交換禮物，我地華明就做絲網印刷毛巾，我地d毛巾都幾搶手，唔知係唔係佢地冇帶毛巾^^"哈哈!!我自己就收到一本相簿同一對手套。晚會完結我地就去休息沖涼喇!!
        返到房個個都好快手咁拎衫沖涼，沖完涼個個都唔捨得訓，三五成群一齊玩，有d就係房玩、有d就係走廊傾偈、有d就周圍行.....非常之熱鬧。我地華明四男邊可能咁早訓呀!周圍去睇下有咩玩，都唔知你佢地in定係我地out？佢地玩d game都唔岩我地玩，諗住返房，點知有十幾人係度玩緊=.="冇得訓，又出左去行下、坐下，差唔多兩三點返房睇下有冇得訓啦!一開門果十幾人依然係度呢=.="仲成間房一陣味呢=.=""好出奇地竟然有人訓到^^"勁!!身為香港人都覺香港人有時真係好自私呢=3="為有出返去啦!!出到走廊見有幾個女仔坐走廊玩uno，嗱~~呢d先岩我地呢d同年紀既人玩(謎之聲音：人地好似細你好多喎！同年紀)玩左一陣我地就落左去大堂交流下喇!先黎介紹一下：分別有黎自澳門既苑子、+c、佩兒、昌哥，黎自中山既Kaywin、Angel，最後就係黎自香港既主人家既生哥、山哥仲有朕!!我地咩都講一餐，不知不覺我地就傾通頂，不已經剩番好少人lu，交流途中我訓著左一個鐘=.="仲要比人偷影>.<五點幾苑子同+c話去洗頭(女生真係怪呢)我同山山就用呢個時間訓陣先，就係咁完成左第一日既交流喇!(正確d黎講係第二日上午六點完成左第一日交流=.=")

遲左向咁多好友講：『新一年祝大家新年快樂、身體健康、財源滾滾』

新年放假悶左幾日，好彩有d好友同我一樣初九先返工，終於有野玩喇!!尋日同馬仔去左踩單，尤鹿頸去大尾督再經大埔返上水，用左3個鐘頭多d就返到上水，不過今日對腳仲有d累呢。一係就冇野玩，一玩就有排玩，尋日踩完車今日就去左釣魚喇!!今次又去左一個新地方試下有冇魚，去到個度鬼死咁大風吹到我頭都痛呢=.="如果唔係咁o岩潮退一定會釣到多d魚>.<釣穫6條魚，3個鐘+潮退+大風都算係咁喇!!23號再去希望唔好咁大風啦!!跟聽晚去豪哥哥屋企打爐邊，跟住23號又去釣魚，之後24~25號去交流營。一個字"爽"