星期一到五,返學要7點幾起身,已經好攰架啦!

返到去又冇野做,唔係訓就係玩!傾計又悶喎!

放左學,唔係聽歌,就係去網吧打機!一係就訓覺!

返學想放假,但係放假又搵唔到野做!

星期六,12點幾先起身!正常就打開部電話,

一係就出街玩,但係出左去,又唔知有咩玩喎!

我唔想日日都無所是事呀!有D咩野可以做下呀?

我而家連網球都唔想再打啦!應該話咩波都唔係好想打!

我覺得自己做人冇咩目標!曾經想讀好D書既!

但只係做左一陣,就唔想再咁努力讀啦!

做咩都係三分鍾熱度!暑假就要去[青訓]啦!

日日對住籃波,係咁打打打!應該重悶過而家!

[青訓]又要考試喎~最近好似做咩都好攰,

個人冇咩動力!就黎2月14啦!我應該係期待,

定係因為呢1日而悶悶不樂呢?

我自己都唔知呀!愛情對我黎講,有果陣唔覺得係D咩!

但係冇果陣,又好想有人可以關心下我!俾D溫暖我!

我真係1個好怪既人!做左14年人,唯一同D朋友傾心事果陣,

先可以搵返自己!覺得同佢地傾計,好開心,有咩事都可以同佢地分擔下!

有朋友真係最幸福既事!