最近我成日上D論壇睇失戀告解既post,我發我之前做過好多錯事!!!
曾經令過一D鍾意過我既女仔,受到傷害!雖然我外表好似係個成熟既人,
但係心裏只係一個唔太識點樣去愛人既男仔!好多野都做得唔好!我想同一個女仔道歉!
文~我知道妳可能已經好憎我,但係只係得妳最錫我,最關心我,都係最俾到我安全感既人!!!
但係我就傷害左妳既心,我同妳雖然只係拍左5日拖,但妳俾到我一種真正[愛情]既感覺我!
妳對我咁好,我都唔識珍惜妳,反而重對妳咁衰!妳喊,我都冇好好去哄返妳,自己一個走開左!
妳唔開心,我又冇去關心過妳!有事只係識發妳脾氣!好對唔住呀!我太任性啦!我知而家就算我做咩都改變唔到!
我只係話人唔識點去照顧自己既女朋友,自己又唔好好反省下!我同妳分開果日,我講左過好離譜既理由!
我同妳講,我唔想將我既傷痛俾到妳,所以就咁分開!我講呢句既果陣,忘記係妳令我再次企返起身!
忘記係妳係我最痛苦果陣,照顧我,教我要學識點放手,唔好咁執著!忘記我對妳既諾言!
我知妳一直係我背後默默支持我,到最後1日都叫我忘記左佢!唔好唔開心!
我咁對妳,妳到最後都冇放棄過我!我而家覺得好感動,果陣既我,只係覺得係一D平平冇奇既說話!
對唔住呀!因為我既任性令妳咁傷心!我諗返起之前既野,我覺得我冇理由唔留住妳,俾我真心去照顧返妳!
唔知我重有冇呢1個機會呢?妳關心過我既每一句我都記得,妳叫過我最遲1:30好訓,如果唔係對身體唔好!
每一句關心既說話,我都刻骨銘心!如果妳睇到呢一段野,希望妳可以俾一次機會我去愛護妳!
雖然唔敢講我會一生一世愛妳,但係我可以同妳講現在最愛的是我眼前這一個特別既妳!
文~對唔住呀!希望妳可以原諒我!睇過既都俾個CM我,支持下我!佢絕對係一個好好好既女仔黎嫁!!!
PS:好多謝[朗B]同[昇仔]成日陪住我,無論我開心定傷心,佢地都會聽我講心事,令我精神上有佢地既支持同鼓勵!!!
朋友永遠都係對你最好最重要既人,佢地會陪你1齊解決問題,幫你分擔痛苦既野!有朋友最幸福!我有佢地陪住,永遠都咁開心~
|
