琴日食飯果陣 ... 媽咪問我

9 號係唔係過 hk ... 我話唔知係唔係 ... 要睇定 d 先

之後媽咪叫我 5 月 1 日先同佢一齊過去

但係我唔知 5 月 1 日囉唔囉到假 ... 所以唔敢肯定

媽咪話驚我過去會諗返佢 ... 驚我心痛

我知道媽咪錫我 ... 唔想我受傷害

但係 ... 有 d 野始終都係要面對 ... 避得一時避唔到一世

我唔過去 ... 就代表我唔會再諗佢 ??

我唔見佢 ... 就代表我已經放低左佢 ??

當初我真係好嬲佢放棄我 ... 好嬲佢唔要我 ... 甚至好憎佢

好想唔再搵佢 ... 但係當時間長左慢慢諗返

就會開始覺得 ... 可能大家都已經成熟

或者佢已經搵到自己想行果條路 ... 而果條路根本就容納唔到我

可能係咁佢先會選擇放棄我 ... 所以我唔應該憎佢

雯雯今日話我睇落好開心 ... 之後媽咪就話 ... 佢做出黎 ga 炸

我聽到之後 ... 真係好想喊

想喊 ge 原因 ... 係因為 ... 點知媽咪會睇穿晒我個心

點解我咁辛苦掩飾唔想俾人知 ... 但係媽咪一睇就睇得出

為左唔俾媽咪知我重未放得低佢 ... 我要一直撐

撐到真真正正放得低佢為止

但我唔會再好似之前咁 ... 移情去另一個人到

因為我唔想案件重演