唉 ... e 排同佢好似冷戰緊咁

但係諗深一曾 ... 為咩冷戰又諗唔出 wo

淨係知 ... 我生日同埋情人節佢都冇黎搵我 ... 冇陪我

我生日佢淨係隔住電話同我講左句生日快樂

而情人節 ... 唔好話情人節快樂 ... 連電話都冇個打黎

唉 ... 究竟咩事 ... 我真係好想知

我同公司 d 女性同事講 ... 佢地就會講 d 安慰 ge 野黎安慰下我

又叫我主動 d 打去問清楚

我都想問 ... 但係唔通一打去就問 ... [ 喂 ... 你係米想散 ar ] 咁咩

佢地又問我 ... 我條仔有冇叫雞或者成日口花花

唉 ... 我又唔係日日係佢身邊睇實佢 ... 點知咁多野 wo

我見佢成 10 日冇搵過我

其實我自己都已經打定輸數 ... 慢慢放低

如果佢真係有掛住我 ... 我諗佢都識打個電話問候下瓜

點知琴日沖完涼吹緊頭 ge 時候電話響 wo ... 重要係 00 <長途>

以為佢終於捨得掛下我 ... 打個電話俾我 ... 點知

原來係佢媽媽 ... 佢媽媽打黎同我講

佢琴晚成晚冇返過屋企 ... 問我佢有冇黎我到

我話冇 ... 之後佢媽媽問我 [ 你地冇野 ar ma ]

我唯有答佢冇 ... 之後佢媽媽重叫我得閒過去玩下 tim

我聽到佢媽媽話佢成晚冇返屋企 ... 所以我就打俾佢 ... 問佢去左邊

我本來諗住等佢打俾我 ... 點知佢媽媽一個電話

我就打左俾佢 ... 唔知 e 個電話之後 ... 幾時先會再有計傾

唉 ... e 樣已經夠煩 ... 公司又要有野煩

早排公司食團年飯 ... 有位男同事主動行埋黎哄到好埋咁同我乾杯

我以為果日之後就唔會有人提 ... 點知

今日 counter 果班野又係到問 ... 我同 e 個係米咁樣又同果個係米咁樣

傳完 e 個又傳果個 ... 唉 ... 真係聽到耳都煩

自己條仔 d 野已經夠煩 ... 重要係到雪上加霜 ... 唉

真係煩到我就黎白頭髮都標出黎