琴日係 msn 同小宗傾計

小宗係我以前玩 n-age 果陣時 game ge 老公

玩 n-age 果陣時好多老公

但係全部都只係 game ge 老公 ... 連電話都冇傾過

但係小宗就係唯一一個傾過電話 ge 老公

曾經我以為自己會去台灣搵佢

因為果陣時同佢係 game 真係可以用關係好好黎形容

但係之後因為我轉左玩盒子

所以同佢 d 關係開始疏遠左 ... 再之後 on 返 n-age

佢已經大個仔要去當兵

所以我同佢係 game ge 關係就告一段落

而我係盒子亦都開始另一條路

我同佢亦都冇再聯絡 ... 連 ym 都冇再 on 過

到左上個月 ... 佢 add 左我 msn

我都只係同佢傾過兩句計 ... 問佢係邊到搵到我 msn

之後就冇再傾過 ... 到左琴日又同佢傾

發覺佢同以前冇乜分別 ... 講野都重係好細路仔 ... 好得意

重講返以前係 game 果 d 野

原來以前佢用我出世日期開果個 acc

佢有玩的 ... 重玩到百幾級 tim

而我用佢出世日期開果個 acc ... 玩到好似六十幾就冇再玩了

所以佢話佢好記得我生日

之後佢又話 ... cici 之前過去台灣前同佢講

話會帶埋我過去 ... 但係個結果令到佢覺得好失望

因為果時 ge 我 ... 跟本冇心機返工 ... 草唔到錢

而且果時又同緊第二個一齊 ... 所以我冇去到

我同佢都成 4 年幾 5 年冇聯絡過 lu

到左 e+ 同佢傾返計 ... 睇埋佢個 blog ... 睇埋佢 d 相

發覺佢真真正正咁大個仔

以前同佢玩 cam 果陣 ... 佢得 18 / 19 歲 ... 佢個樣好細路仔

但係佢 e+ d 相 ... 大個左好多

睇佢 d 日記 ... 先知道佢有氣喘 ... 有心痛

可能同佢鍾意飲酒有關

所以我都有意無意咁提問佢身體 ge 問題

但係講唔夠兩句 ... 就會轉左話題

唔知係唔係大部分 ge 男仔 ... 都唔需要人地 ge 關心 ga 呢