早幾日 ... 我見到你 ... 終於都提到你老婆

或者你早就提過 ... 只係我冇留意到

雖然我睇到個心覺得好唔舒服

但係都總算係個解脫 .... 因為係我心入面

我一直都有 d 野放唔低

我一直都覺得我同你重有可能起返埋一齊

只係等緊你開口 ... 等緊你返黎

但係 e 一年入面 ... 我同你 ge 對話都唔超過 50 句

我好多時都會諗返起好多同你一齊開心 ge 野

當我諗返起 d 開心 ge 野

我就會好想等你開口同我講起返埋一齊之類 ge 野

直至到早幾日見到你話你老婆係睡公主

我就真真正正決心放低你

之後我再睇返之前同你一齊唔開心果陣寫果 d 日記

我發覺 ... 原來有好多唔開心 ge 野

我都唔係好記得 ... 我一直諗 ge 都只係 d 開心 ge 野

所以我就一直都放唔低你

我一邊睇 d 唔開心 ge 日記 ... 一邊 delete

睇到唯獨有一篇日記你有覆我

原本我真係好唔捨得 delete

因為你覆 ge 內容真係令我覺得好開心 ... 好感動

但係最後我都係 delete 左

因為點開心 ... 點感動都好 ... 都始終係回憶

之後我再睇下你 msn 個名

我真係好有衝動同你講句恭喜 ...  之後 delete 埋你 msn

但係我真係做唔到

可能今次孤身撐起 .... 所以時間要長 d

但我都會繼續努力放低你 !!!