「近呢一兩年，1013個度，成日傳出怪味，有時夜晚去廁所，十二點幾對面仲有燈，四點幾仲有燈，碰東！」陳太說。

「早兩日我同佢同電梯返屋企，咁我住9樓，無啦啦佢係電梯入面成個人震晒咁，又抓牆，好可怕啊。一到9樓我就頭都唔回返屋企。紅中。」劉小姐說。

「唔係嘛，佢似有精神病喎，使唔使叩社署或者議員去了解下呀？」陳太說。

「你去搵議員都多餘既，佢地一個二個都係尸位素餐架啦，你叫佢搵人黎幫手，係呀佢會搵，不過條友十年後先黎啦！碰碰碰碰碰！」文太說。

「哎呀，文師奶就講得岩啦。求人不如求己，我地都係諗下辦法，到底1013入面搞乜鬼仲好啦！」梁小姐說。

「咁你有咩方法咁呀阿靜？」

「我認為呢.......」梁小姐答。

「咁今晚十二點係十樓大堂等啦！自摸！雙番東發財混一色靚花自摸八番，每位32唔該晒！」陳太說。

「死婆又食咁狠大！」文太鼓著臉說。

十二點。

「陳太！」劉小姐瞭亮地說。

陳太大力拍拍劉小姐肩膀說，

「傻架咩你咁大聲！我地而家做賊呀！」

劉小姐尷尬地笑了笑。

「拿，頭先文大姐已經係1113掛左件衫落去1013個簷蓮度，一陣文大姐去禁佢鐘，同佢講想拎番件衫。」梁小姐碎碎念道。

「咁岩住1016既陳太就順道返屋企，經過佢門口既時候就借Ｄ意同文姐打個招呼，乘機走入去。」

「咁我同阿劉就係出面轉角位等你地，陳太你記得將個電話放係衫袋，露個鏡頭出黎，咁我地就係大堂實況紀錄。」

「文姐你就主力去問1013條友拎工具去勾番件衫上黎，陳太你就主力去搵下Ｄ味邊到黎。1013係細單位，得兩房一廳，入去就一眼見晒，只許成功不許失敗呀姐妹們，ＧＯＧＯＧＯ！」梁靜說。

文師奶按了門鐘兩下，陳太就在轉角位ＳＴＡＮＤＢＹ中。

1013的木門打開了，但沒有人影。

鐵閘也徐徐拉開，一個身高只有約150cm的老婦盯著文師奶說，

「咁夜想做乜！」

文師奶被這突如其來的氣勢嚇倒，支支吾吾地說，

「我．．．我跌左件衫去你窗台下面，想入黎拎番。」

老婦沒有回話，只凝視著文師奶的雙眼。

「快Ｄ拎完好走！」

文師奶進去以後，陳太便出發。

經過1013門口，陳太說，

「喂文師奶，你搞乜鬼呀！」

老婦回頭怒視陳太，陳太還沒有進去，老婦便起腳踢木門，自然關上。

陳太被老婦這姿態嚇得只能退後半步，文師奶就被困在裡頭。

「屌！」梁靜細細聲說。

「點算呀，文姐係入面呀！」劉小姐說。

「個八婆精神有問題，我地要救文姐出番黎唔容易。」

陳太跑回轉角位說，

「佢真係痴架，佢成七十歲人仲可以起飛腳踢門！」

「唔係呀，咁文師奶咪好危險！」

陳太梁小姐和劉小姐跑去按門鐘和拍門，

「文師奶文師奶！你冇事呀嘛！」

「．．．．．．」

「砰！砰！」兩聲巨響，她們三人都定住了沒有動。

空氣凝住得連呼吸聲也聽得清楚。

陳太慢慢回頭看看梁小姐，

梁小姐和劉小姐的嘴巴也只得個洞，

各人都吞了一下口水，

不敢妄動。

「呀！」一把尖叫聲響徹整層十樓．．．．．．

（續）