10月3日

今日終於去睇左前幾個禮拜日本 Music Station Special

講日本唱片史上銷售量最強的40位歌手

我識既都有一半既, 有D太舊真係連個名都未聽過, 但個個都係實力雄厚LOR!

今井美樹 ( 第40名 )  1527萬張

佢3首Top 銷售的單曲我以前就有download黎聽, 好聽! ( Pride, 和果子之戀, Miss You )

倉木麻衣 ( 第38名 ) 1553萬張

演唱過多首動漫主題曲既佢, 香港好多人都聽過佢個名架啦~ 我覺得比較好聽的3首單曲入面 - Secrets of My Heart , 係名偵探柯南的歌曲.

Arashi嵐 ( 第33名 )  1619萬張

出左道差唔多11,12年啦...依然都係紅爆日本, 5子的發展除左音樂上更涉足演藝界, 松本潤大家都知架啦, 另外亦包括櫻井翔之前同崛北真希所拍關於律師事務的日劇.

Morning娘 ( 第31名 ) 1664萬張

雖然我鐘意聽個首歌冇打入3甲, 但都支持佢地. 我鐘意聽個首叫 戀愛革命21 : )!

MISIA ( 第30名 ) 1777萬張

一首 「Everything」, 單曲銷售達200萬張, 你話你未聽過?! 咁唔該快D去YOUTUBE聽下....或者可能你本來聽過, 只係唔知歌名, 因為實在太經典.

Exile ( 第29名 ) 1786萬張

我係好多年前都已經有聽佢地的歌, 最鐘意就係「現在只想見你」, 更係佢地單曲銷售量入面最多的一首 : )

Spitz ( 第25名 ) 2038萬張

都係透過呢個節目聽到佢地3首單曲, 都非常好聽, 我就愛上左佢地既歌...故此個BLOG都加入左佢地幾首歌, 大家可以聽下.

槙原敬之 ( 第24名 ) 2070萬張

出道已經20年, 我最鐘意既歌包括「無法言喻」( 明治生命 CM主題曲 ) 同埋 沒有止盡的夜晚, 雖然打唔入3首銷售最多歌曲, 但無阻我對佢的欣賞.

Kinki Kids ( 第17名 ) 2467萬張

咁經典的組合, 80後90後都應該有聽過, 我最鐘意佢地既歌係「藍色憂傷」,不過一樣冇打入3首最強單曲入面, 但係佢地真係好靚仔 hahaha!

安室奈美惠 ( 第12名 )  2974萬張

天后呀天后~ 聞名古今中外啦 ( 中史上腦! ), 我最鐘意佢既單曲係「Never End」同埋「Can You Celebrate」, 後者更係佢銷售最多的單曲.

SMAP ( 第10名 )  3187萬張

傑尼斯旗下的天團, 可能新一代既未聽過, 但木村拓栽就冇可能未聽過, 身為其中一員既佢, 涉足不止音樂, 他所演的所有日劇平均收視都達20幾點, 甚至有去過30點~lol
堪稱日劇界的大哥大, 最鐘意聽既歌曲係「夜空ノムコウ」 同埋 「世界唯一的花」, 分別亦有打入佢地3首銷售最多單曲入面其中兩首

宇多田光 ( 第9名 )  3572萬張

當年日劇 「Hero」 收視咁勁, 帶同主題曲 「Can You Keep My Secrets」 紅起, 亦係我最鐘意歌曲, 宇多田光咁紅, 勁呀: )

南方之星 [ サザンオールスターズ」 ( 第4名 )  4783萬張

OH MY GOD, 佢地的單曲 「Tsunami」 實在唱到街知巷聞, 我勁鐘意聽 : )  亦係日本史上銷售最多的第3位單曲達 293萬張, 大支持!

濱崎步 ( 第3名 )  4901萬張

當年一首 M, 單曲銷售量達130幾萬, 我都係聽個首歌而留意到佢, 唱過好多動漫歌既佢, 年輕人一定識, 「棋靈王」 睇過未? 主題曲係佢唱的.叫 「Get Over」, 插曲「I'll be the One」, 正!

Mr.Children ( 第2名 )   5420萬張

好多年前玩勁舞團見過聽過佢地的歌曲, 睇志田未來主演的「十四歲的媽媽」 聽佢地唱個首「しるし」真係好應景, 同套日劇想表達的情感好一致.

B'z ( 第1名 )   7938萬張

我唔多鐘意佢地個唱腔架其實 XD  所以我比較少聽佢地既歌, 但係紅個D都聽過既, 例如「Love Phantom」, 亦係佢地銷售量排第2既單曲.

不過當日其中2位嘉賓 倖田來未 同埋 大塚愛, 我好鐘意倖田的唱腔, 同埋大塚愛的歌路, 但可惜佢地未能打入頭40位, 不過我依舊愛你地2位的歌曲.

最鐘意大塚愛的「金魚火花」

推薦倖田的新歌「好きで、好きで、好きで」, 有3部曲架...去土豆網會搵到 : )!

期待下一集的SPECIAL.!