等...尋日..你打電話比我我好開心 知道你原來去左韓國做野~岩岩先返到澳門。
我問你幾時會返黎~你答我今晚! 我問你係咪一定見到你...你話係!
問你如果見唔到你咁點算!? 你又話點會! 其實我唔係吹你返黎架 係想知道你會大概幾時會返黎!?
我仲特登同你講我聽日放假。 你仲問我咁好冇呀? 你唔返都唔緊要囉!而係你知道我會一直咁等你..
點解你唔打個電話比我呢? 我聽到你話去個邊冇淡好食 因為d野完全唔岩你食~而我知道你一定冇咩點休息
又飛黎飛去。 特登叫我媽咪幫我買料..我放工返黎煲定湯比你飲 可以潤返下。雖然我知道我煲得唔好飲
我自己都未飲呀..就留比你!!本身仲諗住你5-6點返 諗住煮定早餐等你返黎食 但諗諗下又怕凍左 我又煮得唔好食
之後就諗等你返黎整返熱d湯比你之後再買食餐等你食返飽飽佢 ! ! ! ? ? ?
唔洗啦而家 要倒啦 d湯 比垃圾桶飲啦~!一番心意 點知冇人飲!!!!!!!!!!!
---------------------------------------------------------------------------------------
今日晚上媽咪收左工上黎我度...12點2..點知個廁所水管甩左 係咁噴水 差d噴到廳到濕哂
我都唔知點解 個人好慌 因為成世人都未試過 好著急囉 我第一時間拎起電話諗住打比你
之後先記得你唔係香港! 個陣我好想喊囉.......點好..又咁夜.都唔知搵邊個幫手..又冇男人係度!!
之後先諗到落去搵看更伯伯.......點知出面個水制比業主鎖左...咁伯伯話一關就拖累到3戶都冇水用
之後打比業主我話我搵24小時個d黎攪 佢又唔比...最後伯伯落去搵左好耐先搵到總制 關左喇 唉~
終於啖一口氣............因為我怕成間屋都水...........都有個問題 我點沖涼...點刷牙? > <
我慌到叫媽咪唔好走 今晚陪我訓 佢又唔係好想 因為冇得沖涼呢......
媽咪12:30走喇..........
-----------------------------------------------------------------------------
我咩都冇開 電視都冇開 好安靜咁坐左係梳化度.......係度諗緊 老公究竟返黎未?去左邊?
好想講 我好驚呀 點算呀~~~~~~?? 但 冇人聽到我講野呀>_<'’／ｘ＼
我又覺得好無助喇......之後就好想同你講喇....
-----------------------------------------------------------------------------
唯有把我想講既野通通打係呢度~~我曾記得.........
你講過 無論你去到世界任何地方 都會睇我既日記 如果我唔舒服/有事。
就打係日記度 你一定會睇
如果你知道我有事 無論點 你都會掉低所有野返黎睇我。(這句話仲生效嗎?) [ 老公 ]
你又記得我講過 如果有人問你 無論係男定女 有冇女朋友? 你要講咩?
話你已經有未婚妻 , 我有守承諾架 ,
我係呢間公司有人問我 我話我地訂左婚 架 !!!! 我當然知道你唔會咁講啦 可能? 你會覺得我好幼稚?
但只係我害怕失去你..............
-----------------------------------------------------------------------------
好似我每次影你相既時候 你都會發我脾氣 我唔知點解 你話你唔多鐘意影相 我唔會信囉
咁你同ex又影咁多?
其實我唔係因為無聊影你架 而係 我想可以有多d既你比我回憶
無論任何時候地點 食野出街玩定係屋企......當過一排 睇返 你唔會覺得好sweet既咩?
你對我既好多既抗拒 令我成日覺得你都唔係屬於我既!!! 搵唔到你 仲有好多不說得 唔掉得 仲有好多既不得
係 你對我好好 但我就係覺得你唔多似我男朋友 唔多係我既男人咁 我好冇安全感呀~~~~~
你知唔知呀~~~~~~~~每次影你你會發好大脾氣 你會知道我會好痛心嗎?
你唔鐘意我整你d相上網 我咪講左唔放囉 但你都係唔比我影 只有你自己肯話影先影得
其實 我真係好唔明白你 好唔了解你 對唔到 我真係好蠢 我好想好想做一個幫得你手 令你威風既女朋友
好想做一個好善解你既女人 但我會比心機去用心取悅你架..學習細心d 學習做一個令你放心同可信任既女朋友!
-------------------------------------------------------------------------------------
係 你都講過 呢d野你睇左對你黎講你冇感覺 你唔受呢套! 你可以唔去相信 你亦從未相信過我!
我只想講出我感覺者 .....冇其他博咩既意思~!
-------------------------------------------------------------------------------------
我知道係 我真係好掛住你 老公 我等緊你返黎! 無論你走幾耐 我都等.但 唔好呃我 有事要話比我知 好冇?
我係你女朋友&未來老婆黎架!!!!!!!!!! 你有事/有心事我都會想去同你一齊去分擔!!
雖然我幫唔到你 但我都想支持你 想做你既吸音機 永遠為你效勞............
你不停講野都唔好唔講野 因為...我會怕 怕你再已沒說話跟我說了........................>_<'
|